08:39, Sunday, 12.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ადამიანის უფლებათა ცენტრის წარმომადგენელი, სამუშაო ვიზიტით, ევროპის საბჭოში იმყოფებოდა

06.10.2014

 
ადამიანის უფლებათა ცენტრის იურიდიული სამსახურის უფროსი თამარ ავალიანი, ადამიანის უფლებათა სახლის პროექტის ფარგლებში, სომხეთის, აზერბაიჯანის, უკრაინისა და მოლდავეთის არასამთავრობო ორგანიზაციათა წარმომადგენლებთან ერთად,  სამუშაო ვიზიტით  სტრასბურგში იმყოფებოდა. 

ადამიანის უფლებათა ცენტრი უკვე მეორე წელია  ჩართულია ადამიანის უფლებათა სახლის პროექტში, რომელიც ეხება სტრასბურგის  ადამიანის უფლებათა ევროპული სასამართლოს გადაწყვეტილებების აღსრულების საკითხში არასამთავრობო ორგანიზაციათა როლის გაძლიერებას. ადამიანის უფლებათა სახლი პროექტის ფარგლებში, ადამიანის უფლებათა ცენტრის იურისტმა თამარ ავალიანმა მოამზადა კომუნიკაცია საქმეზე - ,,ხაინდრავა და ძამაშვილი საქართველოს წინააღმდეგ“. მიმდინარე წლის 1 სექტემბერს კომუნიკაცია გაიგზავნა ევროპის საბჭოს მინისტრთა კომიტეტში. 

კომუნიკაცია ეხებოდა წინამდებარე საქმეზე ადამიანის უფლებათა ევროპული სასამართლოს გადაწყვეტილების აღსრულების საკითხს და საქართველოს მთავრობის მიერ გასატარებელ ღონისძიებებს. 

კომუნიკაციაში ჩამოყალიბებული იყო წამებისა და სიცოცხლის ხელყოფის საქმეებზე გამოძიების არაეფექტურობის სისტემური პრობლემები და ზოგადად ის სირთულეები, რომელიც თან ახლავს ადამიანის უფლებათა  ევროპული სასამართლოს გადაწყვეტილებების აღსრულებას. კომუნიკაცია განთავსდა ევროპის საბჭოს ოფიციალურ ვებ-გვერდზე: 

მიმდინარე წლის სექტემბრის ბოლოს, საქმეზე - ,,ხაინდრავა და ძამაშვილი საქართველოს წინააღმდეგ“ აღსრულების საკითხი  ევროპის საბჭოს მინისტრთა კომიტეტის სხდომაზე განიხილეს. 

29-30 სექტემბერს, სტრასბურგში შეხვედრები გაიმართა ევროპის საბჭოს საპარლამენტო ასამბლეაში, ევროპის საბჭოს მინისტრთა კომიტეტში ირლანდიის დელეგაციის წევრებთან, ევროპის საბჭოს ადამიანის უფლებათა კომისრის წარმომადგენლებთან, ევროპის საბჭოს საპარლამენტო ასამბლეის მომხსენებელთან, მინისტრთა კომიტეტში ნორვეგიის დელეგაციის წარმომადგენლებთან, და ევროსასამართლოს გადაწყვეტილებების აღსრულების  დეპარტამენტის წარმომადგენლებთან. 

შეხვედრებზე აქტიური დისკუსია გაიმართა ბოლო დროს აზერბაიჯანში ჟურნალისტებისა და უფლებადამცველების დაკავების  შესახებ. ეს დისკუსია მით უფრო მნიშვნელოვანი იყო, რომ აზერბაიჯანი დღესდღეობით ევროპის საბჭოს მინისტრთა კომიტეტის თავმჯდომარე ქვეყანაა.

ადამიანის უფლებათა ცენტრი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ახალი კორონავირუსის გავრცელების გამო დაკარგეთ თუ არა სამსახური?
დიახ არა

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC