14:45, Monday, 14.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გაუპატიურების ფაქტზე აღძრული საქმის გამოძიება ჭიანურდება

11.11.2014

 
ნინო ახობაძე

ნატა 24 წლისაა. 2014 წლის ზაფხულში მეგობარ გოგონასთან ერთად ზღვაზე, ქობულეთში ისვენებდა. იქ გაიცნეს გოგონებმა 28 წლის გ.მ. როგორც ნატა ყვება, პლაჟზე სეირნობისას მას კაბა დაუსველდა და გამოსაცვლელად მარტო დაბრუნდა სასტუმროში. (გოგონები საოჯახო ტიპის სასტუმროში იყვნენ დაბინავებულები). სწორედ ამ დროს აედევნა მას გ.მ. ის სასტუმროს ნომერში შეუვარდა ნატას და მასთან ძალის გამოყენებით ცდილობდა სექსუალური კავშირის დამყარებას.

„იმ მომენტში არავინ იყო იქ. შემდეგ  გაიგონა ჩემი ხმა სასტუმროს მეპატრონემ, დავუნახივარ, როგორ მცემდა ეს პიროვნება და თითონვე გამოიძახა პატრული. მოძალადე  ხმის ამოღების საშუალებას არ მაძლევდა. ყელში მიჭერდა, პირზე ხელს მაფარებდა, რომ არ მეყვირა. საერთოდ ვერაფერს ვახერხებდი, გარდა იმისა, რომ ბოლოს გამოვექეცი. საშინლად მეპყრობოდა, სექსუალური აქტის დამყარება რომ ვერ მოახერხა, თითის საშუალებით დამირღვია საქალწულე აპკი,“ -იხსენებს დაზარალებული.

შემთხვევის ადგილზე მოსულ საპატრულო პოლიციის წარმომადგენლებს ეჭვმიტანილი უკვე გაქცეული დახვდათ, თუმცა დარჩა საათი და ფსკვნილი. როგორც ნატა ამბობს, პოლიციელთა მხრიდან არანაირი რეაქცია არ ყოფილა.

„მთელი ოთახი განადგურებული იყო, წინააღმდეგობას ხომ ვუწევდი, რაღაც ნივთები დალეწილი, ფარდები ჩამოცვენილი, ფანჯარა ჩამომტვრეული იყო, რადგან ფანჯრიდან გადახტა მოძალადე. ხელ-ფეხიდან სისხლი მდიოდა. არანაირი ღონისძიება არ ჩაუტარებია პატრულს, ელოდნენ გამომძიებელს. მოვიდა ვინმე მელქაძე, რომელმაც ასეთი რამ მითხრა: „გოგო, შენ გაქვს იმის თავი, რომ სასამართლოებზე იარო ქობულეთში?!“

ნატა ამბობს, რომ გამომძიებელმა მას მიაწერინა მოძალადისთვის, რომ შეხვედროდა, რათა მასთან დარჩენილი ნივთები დაებრუნებინა. შეხვედრისას ნატას პოლიციელები ახლდნენ თან და აიყვანეს გ.მ. და შემდეგ ჩაატარეს ამოცნობის პროცედურა. გ.მ.-ს მხოლოდ  დააწერინეს, რომ ახლოს არ გაეკარებოდა ნატას, არ შეაწუხებდა დაზარალებულს და ამ პირობით გაუშვეს.  თუმცა, როგორც ნატა ამბობს,  გ.მ. შემდეგაც წერდა მოკლე ტექსტურ შეტყობინებებს და ემუქრებოდა. 

საქმეს ქობულეთის რაიონული სამმართველო იძიებს. როგორც ნატა აღნიშნავს, ის საქმეში დაზარალებულად არ იქნა მიჩნეული, მიუხედავად იმისა, რომ ექსპერტიზის პასუხი საპირისპიროს ადასტურებს.

„მაშინვე წამიყვანეს ექსპერტიზაზე,მე წარვადგინე ყველა საჭირო ნივთი, რის საფუძველზეც დაადგინეს, რომ სწორედ იმ დღეს დამიზიანდა საქალწულე აპკი. თუმცა გამოძიება მიიჩნევს, რომ მსუბუქი დაზიანებები მაქვს და  არ ვარ დაზარალებული. ექსპერტიზის პასუხებს არ მაცნობდნენ, თუმცა დასახმარებლად „ადამიანის უფლებათა ცენტრს“ მივმართე. შემდეგ დამირეკეს და გამაცნეს დასკვნა, თუმცა ერთ-ერთი გამომძიებელი დამცინავი ტონით მესაუბრებოდა. არ მაყენებენ საქმის კურსში. მხოლოდ მეუბნებიან, რომ მიმდინარეობს გამოძიება.“ 

როგორც ნატა აღნიშნავს, ექსპერტიზის პასუხის შემდეგ მოძალადის ჩვენებაც შეცვლილია. თუ აქამდე ამბობდა, რომ სექსუალური კავშირი ჰქონდა დაზარალებულთან, ამაზე ექსპერტიზის  უარყოფითი პასუხის შემდეგ, ამას აღარ უთითებს ჩვენებაში.  როგორც ნატა აღნიშნავს, გ.მ.-ს ჰყავს ოჯახი, ის ერთხელ უკვე ნასამართლევია ნარკოტიკის  შენახვისა და გამოყენების ფაქტზე და გირაოს სანაცვლოდ არის გამოშვებული. დაზარალებული ქობულეთის რაიონულ სამმართველოს საქმის გამოძიების გაჭიანურებაში ადანასაულებს.

„Humanrights.ge” დაუკავშირდა ქობულეთის რაიონული სამმართველოს გამომძიებელ ივანე ღვინიანიძეს, რომელიც უშუალოდ იძიებს ამ საქმეს. მან საქმის დეტალების შესახებ საუბარს თავი აარიდა, თუმცა აღნიშნა,რომ გამოძიება მიმდინარეობს.

„მიმდინარეობს გამოძიება, გვაქვს ექსპერტიზის პასუხები. სხვა კომენტარს ვერ გავაკეთებ. გამოძიება ჯერ არ დასრულებულა და მიმდინარეობს გაუპატიურების, გაუკუღმართებული სექსუალური კავშირის,ძალადობის მუხლით.“

დაზარალებულს სამართლებრივ დახმარებას „ადამიანის უფლებათა ცენტრის“  იურისტი ნესტან ლონდარიძე უწევს.

„საგამოძიებო მოქმედებათა ჩატარების დროს ბევრი პრობლემა წარმოიშვა. გამომძიებელი ივანე ღვინიანიძე ცდილობდა დაზარალებულისათვის არ გაეცნო მისთვის ჩატარებული ექსპერტიზის მასალა. ჩვენი ჩარევის შემდეგ, ტელეფონით გააცნეს პასუხები, თუმცა ადგილი ქონდა ირონიულ დამოკიდებულებას, მაშინ, როცა ფსიქოლოგიურად ისედაც რთულ მდგომარეობაში მყოფ ადამიანს და ამგვარ დანაშაულს განსაკუთრებული სიფრთხილით უნდა მოკიდებოდნენ. ექსპერტიზის პასუხი ადასტურებს იმას, რასაც დაზარალებული გოგონა ამბობს. თუმცა ის მაინც არ არის საქმეში დაზარალებულად მიჩნეული. ექსპერტიზამ დაადგინა, რომ აღნიშნული ქმედება  მოხდა ზუსტად იმ დროში, რა დროსაც დაზარალებული მიუთითებს, ასევე ექსპერტიზა მიუთითებს დაზიანებებს, რაც პირდაპირ მიუთითებს იმაზე, რომ საქმე გაუპატიურების ფაქტთან გვაქვს. მაშინ, როცა საქართველოში ასეა მომატებული ქალთა მიმართ ძალადობის ფაქტები, სამართალდამცავთა მხრიდან ამგვარი დამოკიდებულება შემაშფოთებელია.“ _აღნიშნავს დაზარალებულის ადვოკატი.

(დაზარალებულის ინტერესებიდან გამომდინარე, სტატიაში ნახსენები სახელი პირობითია)
Print Send to Friend Send to Facebook Tweet This
სახელი: თამარ მურველაშვილი
2014-11-12 20:06
არამარტო ის მხეცია გასასამართლებელი, არამედ ის პიროვნებებიც, ვინც ასე გულგრილად მოეკიდა ამ საქმის გამოძიებას, ალბათ გარკვეული დაინტერესების გამო. შეიძლება ამისთანა ავადმყოფი გარეთ დადიოდეს?
სახელი: tamar murvelashvili
2014-11-12 19:58
it is clear that the violato must be punished strictly ,but the people who can be indifferent in this matter must be punished much more strictly than the violator.
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC