04:42, Wednesday, 05.08.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სამართლიანობის აღდეგნის მოთხოვნით ქუთაისში აქცია გაიმართა

10.02.2015

 
შორენა კაკაბაძე, ქუთაისი

6 თებერვალს, ქუთაისში, აღმაშენებლის გამზირზე ქვეითად მოსიარულე 19 წლის ნანა გიგლემიანს ავტომანქანა დაეჯახა. დაჯახების შედეგად გოგონა ადგილზე გარდაიცვალა. თვითმხილველთა განმარტებით, მძღოლი, რომელიც ავტომობილს მართავდა, მიიმალა. დაკავებულია ახალგაზრდა მამაკაცი, რომელიც,  გარდაცვლილის ოჯახის წევრების განცხადებით, უდანაშაულოა. მათი თქმით,  რეალურ დამნაშავეს სამართალდამცველები ხელს აფარებენ.

„19 წლის ანგელოზი სიცოცხლეს გამოასალმა და იმის მაგიერ, რომ მანქანა გაეჩერებინა, გადმოსულიყო და დახმარება გაეწია ბავშვისთვის, გაიქცა. მიმალვაში მას პოლიცია დაეხმარა. პატრულმა, რომელიც მომხდარიდან რამდენიმე წამში შემთხვევის ადგილზე გაჩნდა, არაფერი იღონა, რომ კვალს მიჰყოლოდა. ისევე, როგორც ამას, ამ ბოლო დროს, ხშირად აკეთებს“, - აცხადებენ გარდაცვლილის ახლობლები.

გარდაცვლილის ახლობლების განმარტებით, მათ მიაწოდეს ინფორმაცია, რომ ავტომობილს, რომელიც ნანა გიგლემიანს დაეჯახა, ქალი მართავდა.

„ის ბიჭი, რომელიც დაკავებული ჰყავთ, უდანაშაულოა. როგორც ამბობენ, პატრონი არ ჰყავს და უნდათ, ეს ცოდვა აჰკიდონ. სინამდვილეში ქალია ჩვენი გოგოს მკვლელი, რომელსაც სამართალდამცველები ხელს აფარებენ, რადგან, სავარაუდოდ, იგი პოლიციელის მეუღლეა. ამოიღონ ვიდეოჩანაწერი და ჩვენს თვალწინ გაშიფრონ. მაგრამ ეს ხელს არ აძლევთ და გვეუბნებიან, რომ იმ დროს კამერები ვერ გადაიღებდნენ, რადგან შუქი იყო გათიშული. ჩვენ დავამტკიცებთ, რომ იმ დროს შუქი გათიშული არ იყო. მაგრამ ეს არავის აინტერესებს. ჩვენ არავინ გვისმენს. მომხდარის ადგილზე ექსპერტიზა მას შემდეგ ჩაატარეს, როცა გაწმინდეს და დანაშაულის კვალი გააქრეს“, - აცხადებს გარდაცვლილის ბებია ნაირა ნანავა.

შინაგან საქმეთა სამინისტროს განცხადებით, საქმე საქართველოს სისხლის სამართლის კოდექსის 276-ე მუხლის მე-5 ნაწილითაა აღძრული და გამოძიება მიმდინარეობს. თუმცა, გარდაცვლილის ოჯახი სამართალდამცველებს უნდობლობას უცხადებს და საქმის ობიექტურ მოკვლევას მოითხოვს. 9 თებერვალს, სიმართლის დადგენის მოთხოვნით, მათ აღმაშენებლის გამზირი (შემთხვევის ადგილი) გადაკეტეს. გარდაცვლილის ნათესავებს რიგითი მოქალაქეებიც შეუერთდნენ, რომლებიც ქვეყანაში არსებულ მდგომარეობას აპროტესტებენ და აცხადებენ, რომ დღეს საქართველოში სამართალდამცველები უსამართლობას ემსახურებიან.

„რას აკეთებს პროკურატურა, რას აკეთებენ გამომძიებლები, რატომ ძინავს ყველას, როცა დედას ერთადერთ შვილს უკლავენ და მკვლელები გარბიან. აღარაფერს ვამბობ პატრულზე, რომელიც იმის მაგიერ, რომ ასეთ დროს ფხიზლობდეს, თვალს ხუჭავს და დუმს. ასე გაგრძელდება მანამ, სანამ არ გავერთიანდებით და სიმართლის სადარაჯოზე არ დავდგებით. ბევრი უბედურება შერჩათ სამართალდამცველების მიერ ხელდაფარებულ ადამიანებს. ამის უამრავი მაგალითი არსებობს და დროა, ეს  გახდეს უკანასკნელი შემთხვევა. დამნაშავე უნდა დაისაჯოს განურჩევლად იმისა, პოლიციელის ოჯახის წევრია ის თუ არა. მათ ის გამომძიებელ-პროკურორები უნდა მიჰყვნენ, ვინც დამნაშავეს ხელს აფარებს და უსამართლობას ემსახურება“, - აცხადებენ აქციის მონაწილეები. 

გარდაცვლილის დედა რუსუდან ნანაძე კი ამბობს, რომ სამართლიანობის აღდგენისთვის პროტესტის უკიდურეს ფორმას გამოიყენებს და ერთადერთ შვილს მანამ არ დაასაფლავებს, სანამ რეალურ მკვლელს  არ დააკავებენ. 
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ახალი კორონავირუსის გავრცელების გამო დაკარგეთ თუ არა სამსახური?
დიახ არა

ბლოგი

მორიგების მორიგი შეთავაზება
საზოგადოება ინფორმირებულია, რომ 2017 წლის დეკემბრიდან ქალაქ თბილისის მერიისა და წყლის გამანაწილებელი კომპანიის - GWP-ს წინააღმდეგ სასამართლოში შეტანილი მაქვს სარჩელი, რომლითაც მოვითხოვ თბილისის
ვრცლად...
ძალადობის მსხვერპლი ქალები
ცხოვრება ეჭვისა და უნდობლობის სამყაროში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC