20:58, Sunday, 20.09.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ბათუმის #3 სასჯელაღსრულების დაწესებულების პატიმრები ციხეში არსებულ მძიმე მდგომარეობაზე საუბრობენ

17.02.2015

 
ნინო წოწორია 

სამედიცინო პერსონალის მხრიდან უყურადღებობა, მედიკამენტების არარსებობა, საკვები პროდუქტის მავნებლობა, ვენტილაციის და წყლით მომარაგების საკითხი, ციხის თანამშრომლების აგრესიული და პროვოკაციული დამოკიდებულება იმ პრობლემების არასრული ჩამონათვალია, რომლებზე რეაგირებასაც მსჯავრდებულები ითხოვენ.

ადამიანის უფლებათა ცენტრის სახელზე გაგზავნილ წერილში ბათუმის #3 სასჯელაღსრულების დაწესებულების პატიმრები ციხეში არსებულ მძიმე მდგომარეობაზე საუბრობენ. 

„სასმელი წყალი  გრაფიკით გვაქვს, არ მუშაობს საჰაერო ვენტილაცია, საკნის ეგრეთ წოდებული „სარკმელი“ პატარაა და ჰაერი არ მოგვეწოდება. ზოგიერთი თანამშრომელი აგრესიით და ირონიული საუბრით გამოირჩევა.
მძიმე დაავადებებით  ვართ დაინფიცირებულები, გვესაჭიროება გამოკვლევები და მკურნალობა,  ასევე შესაბამისი მედიკამენტები, მაგრამ მთავარი ექიმი ზურა ორაგველიძე ყურადღებას საერთოდ არ გვაქცევს.  ჩვენ ყოველ მიმართვაზე ცრუობს და თავიდან გვიშორებს, შეხვედრაზე უარს აცხადებს  მისივე სამედიცინო ნაწილში მომუშავე პერსონალიც“, - ნათქვამია მსჯავრდებულების მიერ ადამიანის უფლებათა ცენტრის სახელზე გაგზავნილ წერილში. 

როგორც მსჯავრდებულები აცხადებენ, მათ მიმართ აგრესიამ და პროვოკაციამ შეგნებულად იმატა. პატიმრების მიერ ანალოგიური დამოკიდებულება კი პაემნების, ტელეფონზე საუბრის,  მაღაზიითა და ამანათით სარგებლობის აკრძალვით ისჯება. ბათუმის #3 დაწესებულების პატიმრების პრობლემებს სახალხო დამცველის აპარატის დასკვნაც ადასტურებს, რომელიც პრევენციის ეროვნული მექანიზმის მიერ განხორციელებული მონიტორინგის შემდეგ დაიდო.

ადამიანის უფლებათა ცენტრის იურისტის, თამარ ლუკავას განცხადებით, ბათუმის სასჯელაღსრულების დაწესებულებაში არსებული პირობები არ შეესაბამება კანონით გათვალისწინებულ ნორმებს და სასჯელაღსრულების სამინისტრო ვალდებულია, უზრუნველყოს პატიმრებისთვის ადამიანური გარემოს შექმნა. 

„კანონში პირდაპირ არის გათვალისწინებული რომ პატიმრები მათი ჯანმრთელობის მდგომარეობისათვის ხელსაყრელ გარემოში უნდა იმყოფებოდნენ. საკანში სანიტარულ - ჰიგიენური ნორმები იყოს დაცული და პატიმრებს ჰქონდეთ კანონით მინიჭებული უფლებების გამოყენების შესაძლებლობა“,- აცხადებს თამარ ლუკავა. 

სახალხო დამცველის აპარატი სასჯელაღსრულების სამინისტროსა და ბათუმის #3 დაწესებულების დირექტორს რეკომენდაციებით მიმართავს, რათა პატიმრებისთვის კანონით შესაბამისი პირობები უზრუნველყონ და არ შეილახოს მათი მორალური უფლებები.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC