ადამიანის უფლებათა ცენტრი იწყებს პროექტის - ქალი და არასრულწლოვანი პატიმრების მდგომარეობის მონიტორინგი საქართველოში - განხორციელებას. პროექტი მოიცავს პერიოდს 2015 წლის თებერვლიდან აგვისტომდე. პროექტის მიზანს წარმოადგენს ქალთა და არასრულწლოვანთა საპატიმრო დაწესებულებებში არსებული პრობლემების გამოვლენა და მდგომარეობის გაუმჯობესების ხელშეწყობა.
პროექტის ფარგლებში, საქართველოს სახალხო დამცველთან პარტნიორობით, ადამიანის უფლებათა ცენტრის მონიტორები განახორციელებენ გეგმიურ და არაგეგმიურ ვიზიტებს ქალთა და არასრულწლოვანთა საპატიმრო დაწესებულებებში. მონიტორინგი განხორციელდება რუსთავის #5 ქალთა და თბილისის #11 არასრულოვანთა საპატიმროებში.
პროექტის ფარგლებში, ადამიანის უფლებათა ცენტრის ჟურნალისტი მოამზადებს სტატიებს გამოვლენილი პრობლემების შესახებ, რომელიც განთავსდება ადამიანის უფლებათა ცენტრის ვებპორტალზე -
www.humanrights.ge. ადამიანის უფლებათა ცენტრის იურისტები ასევე სამართლებრივ დახმარებას გაუწევენ ქალ და არასრულწლოვან პატიმრებს მათ საქმეში გამოვლენილ დარღვევებთან დაკავშირებით.
პროექტის ფინანსური მხარდამჭერია ბულგარეთის საელჩო საქართველოში.
ადამიანის უფლებათა ცენტრი