01:41, Wednesday, 15.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სეპარატისტული სამხრეთ ოსეთის ლიდერი მოსახლეობას საქართველოში მკურნალობის წინააღმდეგ მოუწოდებს

04.03.2015
 
სივილ ჯორჯია

სეპარატისტული სამხრეთ ოსეთის ლიდერი, ლეონიდ თიბილოვი კიდევ ერთხელ გამოვიდა იმის წინააღმდეგ, რომ რეგიონის მაცხოვრებლებმა სამედიცინო მომსახურების მისაღებად  საქართველოში იარონ.

მთავრობის წევრებთან შეხვედრაზე საუბრისას, სააგენტო „რესის“ თანახმად, თიბილოვმა განაცხადა 2 მარტს, რომ „უმეტეს შემთხვევებში ავადმყოფებს არანაირი აუცილებლობა არ აქვთ, რომ მეზობელი სახელმწიფოს სამკურნალო დაწესებულებებში გაემგზავრონ.
 
„ჩვენ უნდა განვავითაროთ ჩვენი საკუთარი სამედიცინო ცენტრები და სპეციალისტები მოვიზიდოთ. ამას უკვე აქტიურად ვაკეთებთ – ჩვენ ვიწყებთ თანამედროვე სამედიცინო ცენტრის მშენებლობას შესაბამისი აპარატურით“, – განაცხადა თიბილოვმა.

ეს პირველი შემთხვევა არ არის, როდესაც სეპარატისტული რეგიონის ლიდერი ამ საკითხს აყენებს. 2013 წლის ივლისში მან მოუწოდა მთავრობას, რომ ოსი პაციენტების საქართველოს კლინიკებში გამგზავრების გაზრდილ რაოდენობას მიხედოს; მან მთავრობის განკარგულება გაიხსენა, რომელიც ამის შესაძლებლობას მხოლოდ „გამონაკლის შემთხვევებში“ მაშინ უშვებს, როდესაც პაციენტის მდგომარეობა ჩრდილოეთ ოსეთში უფრო ხანგრძლივი მგზავრობის საშუალებას არ იძლევა.

2013 წელს ადგილობრივი გაზეთისთვის მიცემულ ინტერვიუში, სეპარატისტული რეგიონის ჯანდაცვის მინისტრმა გრიგორი კულიჯანოვმა განაცხადა, რომ უმეტეს შემთხვევებში პაციენტები მთავრობის ამ განკარგულებას არ იცავენ.

„ხშირად ადამიანები მიმართავენ [ჯანდაცვის სამინისტროს] და დაჟინებით ითხოვენ საქართველოს კლინიკებში მათ გაგზავნას, რითიც უგულებელყოფენ მათთვის შეთავაზებულ ალტერნატივას, რომ სამედიცინო მკურნალობა რუსეთის ტერიტორიაზე გაიარონ“, – განუცხადა კულიჯანოვმა გაზეთ „რესპუბლიკას“ 2013 წლის აპრილში, „რა თქმა უნდა, ჩვენ შეგვიძლია დავეხმაროთ ადამიანს, როდესაც საქმე მის სიკვდილ–სიცოცხლეს ეხება და ასეც ვაკეთებთ, რითიც თვალს ვხუჭავთ პოლიტიკურ ასპექტებზე, მაგრამ უმეტეს შემთხვევებში თხოვნას მათი საქართველოში გაგზავნის თაობაზე მკაფიო გამართლება არ აქვს; ვგულისხმობ, რომ ანალოგიური მკურნალობის ჩატარება რუსეთის ტერიტორიაზეც არის შესაძლებელი, მათ შორის ჩრდილოეთ ოსეთში“.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC