23:27, Monday, 21.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პარლამენტი საყდრისის საბადოს საკითხის შემსწავლელი კომისიის შექმნას განიხილავს

04.03.2015
ნათია გოგოლაშვილი

დღეს პარლამენტის სესიაზე კანონმდებლები საყდრისის საბადოს საკითხის შემსწავლელი კომისიის შექმნის საკითხს  განიხილავენ. 

ნაციონალური მოძრაობის წევრის, ნუგზარ წიკლაურის განცხადებით, მნიშვნელოვანია იმის გარკვევა, თუ რამდენად კანონიერად ჩამოერთვა საყდრისს კულტურული ძეგლის სტატუსი.

„ორი ინსტანციის სასამართლომ უკვე მიიღო გადაწყვეტილება, რომ კულტურის მინისტრის ბრძანება საყდრისისთვის კულტურული მემკვიდრეობის ძეგლის სტატუსის ჩამორთმევასთან დაკავშირებით კანონდარღვევით მოხდა. ახლა განსაკუთრებით მნიშვნელოვანია, რომ ჩვენ ვიმუშაოთ ამ საკითხზე. უნდა გაირკვეს, მართლაც მოხდა თუ არა ასეთი დანაშაული და ის ადგილი, რომელიც რამდენიმე თვის წინ  აფეთქდა, იყო თუ არა კულტურული მემკვიდრეობის ძეგლი. თუ ეს დადგინდა, საქართველოს პარლამენტმა პასუხი უნდა მოსთხოვოს  ყველა იმ ადამიანს, ვინც დამნაშავეა“, - აცხადებს ნუგზარ წიკლაური.

საპარლამენტო უმრავლესობის წევრის, ანი მიროტაძის თქმით, კომისიის შექმნის შესახებ გადაწყვეტილება მიღებულია და კენჭი კომისიის შემადგენლობას უნდა ეყაროს.

პარლამენტში გასამართ დღევანდელ სესიას საყდრისის გადარჩენის კომიტეტის წევრებიც დაესწრებიან. ისინი იმედს გამოთქვამენ, რომ საკანონმდებლო ორგანო კომისიის შექმნას მხარს დაუჭერს.

„თუ პარლამენტი მხარს არ დაუჭერს საგამოძიებო კომისიის შექმნას, ჩვენ ერთადერთი გზა გვრჩება, დავიწყოთ პროტესტი, აქციები და მივმართოთ პროკურატურას, რათა გამოიძიონ სწორედ ის განაჩენი, რომელიც სააპელაციო სასამართლომ დაადგინა. განაჩენში კი წერია, რომ საყდრისს უკანონოდ მოეხსნა ძეგლის სტატუსი“, - აცხადებს საყდრისის გადარჩენის კომიტეტის წევრი ირაკლი მამალაძე.  

თუკი დეპუტატთა უმრავლესობა მხარს დაუჭერს საყდრისის საბადოს საკითხის შემსწავლელი კომისიის შექმნასა და მის შემადგენლობას, კომისია 12 წევრით განისაზვღვრება.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC