18:37, Saturday, 19.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მერიამ სოციალურად დაუცველი ოჯახი 10 000 ლარით დააჯარიმა

05.06.2015

 
ნინო ქიმაძე

3 ივნისს თბილისის ადამიანის უფლებათა სახლის წარმომადგენლებმა, თბილისის მერიის მიერ სოციალურად დაუცველი ოჯახის 10 000 ლარით დაჯარიმების ფაქტზე, პრესკონფერენცია გამართეს. 

დარეჯან ჩოხელი-ჭელიძე სოციალურად დაუცველი მარტოხელა დედაა და ორ შვილს ზრდის. როგორც თავად აცხადებს, მუდმივი უსახლკარობის და რთული ეკონომიკური მდგომარეობის გამო ორივე შვილს ჯანმრთელობის პრობლემა აქვს. მისი თქმით, დიდი ხანია დაუკანონებელ მიწის ნაკვეთს უვლის და ეს ტერიტორია მისთვის ერთადერთ შემოსავლის წყაროს წარმოადგენს.

„აღნიშნულ ტერიტორიას 20 წელია ვუვლი. ჯერ ხილი და ბოსტნეული მომყავდა, შემდეგ, რადგანაც ქუჩაში აღმოვჩნდი და წასასვლელი აღარსად მქონდა, „ლიბერთი ბანკიდან“ სესხი გამოვიტანე, ახლობლებიც დამეხმარნენ და ერთი ოთახი ამიშენეს“, - განაცხადა დარეჯან ჩოხელმა. 

დარეჯან ჩოხელმა დაუკანონებელ მიწის ნაკვეთზე საცხოვრებელი 2014 წლის ბოლოს ააშენა. მისი თქმით, მშენებლობა ზედამხედველობის სამსახურის მოთხოვნით შეაჩერა. როგორც თავად განმარტავს, 2015 წლის 22 მაისს ტერიტორიის დაკანონების მოთხოვნით საკრებულოში აზომვითი ნახაზები მიიტანა, პირადად შეხვდა საკრებულოს თავმჯდომარე გიორგი ალიბეგაშვილს, რომელმაც მერიასთან გაუწია შუამდგომლობა. 

დარეჯან ჩოხელი-ჭელიძის განცხადებით, მერიაში მისულს განუმარტეს, რომ საცხოვრებელი ფართით 2016 წლამდე ვერ უზრუნველყოფდნენ, რადგან მერიას, ამ ეტაპზე, საბინაო ფონდი არ ჰქონდა.

2015 წლის 1 ივნისს დარეჯანი დაუკანონებელ ტერიტორიაზე სახლის აშენების გამო მერიამ 10 000 ლარით დააჯარიმა. მის ინტერესებს თბილისის ადამიანის უფლებათა სახლის იურისტი ეკა ქობესაშვილი იცავს.

ქობესაშვილის განმარტებით, ოჯახი სოციალურად დაუცვალთა ერთიან ბაზაშია 7 730 ქულით. იურისტის თქმით, დარეჯან ჩოხელს უკიდურესად უჭირს და აშენებულ საცხოვრებელს არ  გაჩნია საყოფაცხოვრებო პირობები.

„პირადად მივმართე თბილისის საკრებულოს, მერიას, თბილისის მერს დავით ნარმანიას, რომ  თავშესაფრის და შემოსავლის გარეშე მყოფ ოჯახს დახმარებოდნენ, თუმცა, უშედეგოდ. დარეჯანის საცხოვრებელი ფართით უზრუნველყოფა ადგილობრივი თვითმმართველობის ორგანოს მოვალეობაა“,- განაცხადა humanrights.ge-სთან ეკა ქობესაშვილმა. 

იურისტის თქმით, იგი ჯარიმის ადმინისტრაციული სამართალწარმოების გზით გასაჩივრებას გეგმავს, რისთვისაც 15 დღის ვადა აქვს.

თბილისის ადამიანის უფლებათა სახლი მერიასა და საკრებულოს მოუწოდებს, პირად კონტროლზე აიყვანონ დარეჯან ჩოხელი-ჭელიძის საქმე. ამასთან, თბილისის ადამიანის უფლებათა სახლი მოითხოვს, მერიამ დაკისრებული ჯარიმა გააუქმოს და დარეჯან ჩოხელ-ჭელიძეს უფლება მისცეს იცხოვროს აღნიშნულ შენობაში.


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC