02:56, Sunday, 12.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მცხეთის მუნიციპალიტეტის მოსახლეობა სახელმწიფოსგან დახმარებას ითხოვს

04.08.2015

ნინო წოწორია

 
ადამიანის უფლებათა ცენტრის წარმომადგენლებმა მცხეთის მუნიციპალიტეტში 15 თებერვლიდან 15 ივნისის პერიოდში საკრებულოს სხდომების მონიტორინგი განახორციელეს და სპეციალური კითხვარის საშუალებით სოფელ მუხათგვერდის მაცხოვრებლები გამოკითხეს. გამოკითხვის შედეგების მიხედვით, სოფელს გაზიფიცირებისა და წყლის პრობლემა აქვს, ამასთანავე, სოფელში არ არის საბავშვო ბაღი და სკოლა, რის გამოც მოსახლეობას შვილების სასწავლებლად ტარება მუნიციპალიტეტის სხვა სოფლებსა და ქალაქ მცხეთაში უწევთ.

მოსახლეობის გამოკითხვის დროს უფლებადამცველები ერთ-ერთ ადგილობრივ მცხოვრებელს, მარიამ ფირუზაშვილს შეხვდნენ, რომელსაც მძიმე სოციალურ-ეკონომიკური მდგომარეობის გამო დაზიანებული საცხოვრებელი სახლის შეკეთება არ შეუძლია და სიცოცხლისთვის საშიშ გარემოში უწევს ცხოვრება. როგორც მარიამ ფირუზაშვილმა ადამიანის უფლებათა ცენტრის წარმომადგენლებს განუცხადა, სახურავია დაზიანებული, რის გამოც სახლის ორივე სართული სველდება და კედლების ჩამონგრევის საშიშროებას ქმნის. ფირუზაშვილმა გამგეობას დახმარების თხოვნით არაერთხელ მიმართა, თუმცა, პასუხი არ მიუღია. 

ადამიანის უფლებათა ცენტრი მარიამ ფირუზაშვილის პრობლემის გასარკვევად მცხეთის მუნიციპალიტეტის გამგეობას დაუკავშირდა. გამგებელ, ზურაბ აბესაძის ოფიციალური პასუხის თანახმად, მუნიციპალიტეტის 2015 წლის ბიუჯეტში მოსახლეობის სამშენებლო მასალებით დასახმარებლად თანხები არ არის გამოყოფილი. გამგეობას აღწერილი და შეტანილი აქვს საცხოვრებელი სახლი დაზიანებულ მოსახლეთა სიაში.

„მას შემდეგ, რაც მცხეთის მუნიციპალიტეტს გამოეყოფა შესაბამისი თანხები მოსახლეობისთვის დაზიანებული სახლების სარეაბილიტაციოდ, იგი განახორციელებს მასალების განაწილებას და მარიამ ფირუზაშვილი გამგეობის ადმინისტრაციული ერთეულის წარმომადგენლის მიერ ინფორმირებული იქნება“, - წერია ზურაბ აბესაძის ოფიციალურ წერილში.

ადამიანის უფლებათა ცენტრი მცხეთის მუნიციპალიტეტის საკრებულოსა და გამგეობასთან ოფიციალურ კომუნიკაციას  და საჯარო ინფორმაციის გამოთხოვასა და დამუშავებას აგრძელებს.


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC