18:44, Wednesday, 23.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ადამიანის უფლებათა ცენტრი მთავარი პროკურატურის ახალი დეპარტამენტის მუშაობას უარყოფითად აფასებს

14.08.2015
 
დღეს 12:30 საათზე, პრაიმ-ტაიმის პრესკლუბში, ადამიანის უფლებათა ცენტრი პრესკონფერენციას გამართავს და მთავარი პროკურატურის სამართალწარმოების პროცესში ჩადენილი დანაშაულის გამოძიების დეპარტამენტის მუშაობას შეაფასებს. 
 
პრესკონფერენციაში მონაწილეობას მიიღებს ე.წ. „ყინწვისის საქმეზე“ გასამართლებული ყოფილი პოლიტპატიმარი, ჯემალ გუნდიშვილი, რომელიც ამ საქმეზე გასამართლებულ სხვა პირებთან ერთად, წლებია, უშედეგოდ მოითხოვს დაზარალებულად ცნობას და დამნაშავეთა პასუხისგებაში მიცემას.

მიმდინარე წლის 13 თებერვალს, საქართველოს იუსტიციის მინისტრის #62 ბრძანებით, შეიქმნა საქართველოს  მთავარი პროკურატურის სამართალწარმოების პროცესში ჩადენილი დანაშაულის გამოძიების დეპარტამენტი. დეპარტამენტის დებულებით, მას დაევალა სამართალწარმოებისას შესაძლო დანაშაულებრივი ფაქტების, მათ შორის - წამების, არაადამიანური და ღირსების შემლახველი მოპყრობის, ქონების იძულებით დათმობისა და სხვა იძულების ფაქტების გამოძიება.

ადამიანის უფლებათა ცენტრმა ახალი დეპარტამენტიდან დღემდე ვერ მიიღო ინფორმაცია რამდენიმე მნიშვნელოვანი საკითხის შესახებ, რაც საფუძვლიან ეჭვს ბადებს დეპარტამენტის გამჭვირვალე და განჭვრეტად მუშაობასთან დაკავშირებით. 
საზოგადოებისათვის დღემდე უცნობია, რა კრიტერიუმების საფუძველზე ანიჭებს კონკრეტულ საქმეებს პრიორიტეტს დეპარტამენტი ამა თუ იმ საქმეზე გამოძიების დაწყების კუთხით და არის თუ არა ეს კრიტერიუმები წერილობითი ფორმით  გაწერილი. ასევე, საზოგადოებისათვის დღემდე უცნობია დეპარტამენტის თანამშრომელთა შერჩევის კრიტერიუმები.

ადამიანის უფლებათა ცენტრს მიაჩნია, რომ საქართველოს  მთავარი პროკურატურის სამართალწარმოების პროცესში  ჩადენილი დანაშაულის გამოძიების დეპარტამენტი ვერ პასუხობს გამჭვირვალობისა და ანგარიშვალდებულების მინიმალურ  სტანდარტებს, რაც სერიოზულ კითხვებს ბადებს მათი მუშაობის ეფექტურობის კუთხით.

ადამიანის უფლებათა ცენტრი მოუწოდებს მთავარ პროკურატურას,  მოახდინოს საზოგადოების მუდმივი ინფორმირება ახალი დეპარტამენტის მუშაობასთან დაკავშირებით და არსებითად გააუმჯობესოს საზოგადოების მიმართ ანგარიშვალდებულების სტანდარტები.

ადამიანის უფლებათა ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC