18:30, Wednesday, 23.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გურჯაანში საპროტესტო აქციები გრძელდება

15.09.2015
 
ლელა ხეჩოშვილი, კახეთი

გურჯაანში საპროტესტო აქციის მონაწილეებმა თბილისი-ბაკურციხე-თელავის ცენტრალური გზის გურჯაანის მონაკვეთი გადაკეტეს.  ადგილზე მობილიზებულია საპატრულო პოლიცია. მევენახეები ყურძნის არსებული ფასის მომატებას ითხოვენ. აქციის მონაწილეები ასევე მოითხოვენ ადგილზე სოფლის მეურნეობის მინისტრ ოთარ დანელიასა და ყოფილ პრემიერ-მინისტრ ბიძინა ივანიშვილის ჩასვლას.

აქცია ჯერ გურჯაანის გამგეობასთან დაიწყო, მევენახეებთან შესახვედრად მივიდა კახეთის გუბერნატორი ირაკლი შიოლაშვილი. როგორც მან აღნიშნა ყურძნის ფასებს ბაზარი არეგულირებს და არა სახელმწიფო. 

როგორც კახეთის გუბერნატორი ამბობს, აქცია პოლიტიკურად ორგანიზებულია ნაციონალების მიერ. მევენახეები აცხადებენ, რომ მათ არცერთი პოლიტიკური პარტია არ მართავთ და არავის პროვოკაციაზე არ წამოეგებიან.

 როდესაც, აქციას პარლამენტში გურჯაანის მაჟორიტარი დეპუტატი, „ნაციონალური მოძრაობის“ წევრი გიორგი ღვინიაშვილი თანაგუნდელებთან ერთად შეუერთდა, გუბერნატორმა აქცია პროტესტის  ნიშნად დატოვა. ცოტა ხანში კი მან სურვილი გამოთქვა, გამგეობის სააქტო დარბაზში შეხვედროდა აქციის 15-მდე მონაწილეს. კახეთის გუბერნატორის თქმით, მას მევენახეებთან პირისპირ, დახურულ ფორმატში, სურს საუბარი, ხოლო კომენტარს შეხვედრის დასრულების შემდეგ გააკეთებს. შეხვედრაზე მისულ ჟურნალისტებს მევენახეებმა და გუბერნატორმა დარბაზის დატოვება მოსთხოვეს. კახეთის გუბერნატორსა და მევენახეებს შორის შეხვედრა მალევე დასრულდა, თუმცა მევენახეების თქმით, საბოლოო შეთანხმება ყურძნის ფასთან დაკავშირებით არ შემდგარა. 

როგორც ირაკლი შიოლაშვილმა humanrights.ge-ს განუცხადა,  ის რაზეც მევენახეებთან ისაუბრა, ამასთან დაკავშირებით დღესვე წავა თბილისში და მთავრობას ჩააყენებს საქმის კურსში. 

„გუბერნატორი მოვიდა თავის დამქაშებთან ერთად და მალევე გაიპარა. 10 კაცი აიყვანა,ცდილობდა მათ დამუშავებას“, -აღნიშნა გიორგი ღვინიაშვილმა.
გუბერნატორთან შეხვედრის შემდეგ იმედგაცრუებულმა მევენახეებმა ერთობლივად გადაწყვიტეს ცენტრალური  მაგისტრალის გადაკეტვა.

მევენახეების განცხადებით, თუ მათი მოთხოვნები არ დაკმაყოფილდება, თითოეული მათგანი ერთ სათლ ყურძენს ბიძინა ივანიშვილის სახლთან დაყრის.
საპროტესტო აქციაზე პოლიციელებსა და აქციის მონაწილეებს შორის დაპირისპირებაც მოხდა. პოლიციამ გზის გახსნის დროს  რამდენიმე პირი დაუმორჩილებლობის ბრალდებით დააკავა. 

თელავი-თბილისის გზის გურჯაანის მონაკვეთზე მოძრაობა აღდგენილია, თუმცა აქციის მონაწილეები ცოტა ხანს ადგილზე დარჩნენ ფართომასშტაბიანი აქციის დასაგეგმად.

შემდეგ საპროტესტო აქციის მონაწილეებმა გურჯაანის რაიონულ სასამართლოსთან გადაინაცვლეს, ისინი დაკავებული აქციის მონაწილეების მიყვანას ელოდებიან. დაკავებულთაგან ერთ-ერთ მონაწილეს ბრალად ედება პარლამენტში გურჯაანის მაჟორიტარი დეპუტატისათვის ფიზიკური შეურაცხყოფის მიყენება.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC