08:14, Sunday, 12.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

თელასს უკანონოდ მიღებული თანხის უკან დაბრუნება დაევალა

30.09.2015

 
ნინო ქიმაძე

თბილისის ადამიანის უფლებათა სახლს სარეაბილიტაციო და სოციალური ადაპტაციის ცენტრმა „აისი“ დახმარების თხოვნით მიმართა. ცენტრს თელასიდან მიუვიდა 1586 ლარის ოდენობის დავალიანება, რომელიც მოგვიანებით „თი ბი სი“ ბანკის „ონლაინ ბანკინგის“ მეშვეობით  პირადი ანგარიშიდან ჩამოეჭრა. „აისი“ თელასისგან უკანონოდ ჩამორთმეული თანხის უკან დაბრუნებას მოითხოვდა. სარეაბილიტაციო ცენტრს სამართლებრივ დახმარებას თბილისის ადამიანის უფლებათა სახლის იურისტი სოფო ალექსიძე უწევდა. ალექსიძემ აღნიშნული საქმე წარმატებით დაასრულა.

„ჩვენი ბენეფიციარი არის სარეაბილიტიაციო და სოციალური ადაპტაციის ცენტრი „აისი“, რომელსაც 2012 წლის 31 იანვრის ბრძანებით საქართველოს ეკონომიკის სამინისტრომ უზურფუქტით გადასცა შენობა-ნაგებობები დაწესებულებისათვის. „აისი“ არის დღის ცენტრი, რომელიც ემსახურება 50-მდე შშმ ბავშვს. 2014 წლის 14 ივლისს  ამ ორგანიზაციას 1586 ლარის დავალიანება დაერიცხა, რომელიც „თი-ბი-სი“ ბანკინგით ავტომატურ რეჟიმში ჩამოეჭრა. აღმოჩნდა, რომ წარსულში ეს შენობა ეკუთვნოდა სანატორიუმ „გაზაფხულს“. ორი დიდი ადმინისტრაციული კორპუსი იყო, მაგრამ ორივეს ჰქონდა ცალკ-ცალკე მრიცხველი და აბონენტის ნომერი. 2012 და 2013 წლის გადაწყვეტილებებით, სანატორიუმ „გაზაფხულს“  დაეკისრა დავალიანება, მაგრამ 2013 წლის გადაწყვეტილებაში „გაზაფხულმა“ თავისი დავალიანება გადაიტანა იმ კორპუსზე, რომელშიც თვითონ უნდა დარჩენილიყო. ის აბონენტის ნომერი, რომელიც შემდგომ „აისზე“ გასხვისდა სუფთა, დავალიანების გარეშე დარჩა. მიუხედავად იმისა, რომ „აისი“-მ 2012 წლის დეკემბერში თელასს განცხადებით მიმართა აბონენტის სახელწოდების შეცვლის თაობაზე, დავალიანების გადახდა თელასმა მაინც ახალ მესაკუთრეს დააკისრა“, -აცხადებს სოფო ალექსიძე.

თბილისის ადამიანის უფლებათა სახლის იურისტი ვარაუდს გამოთქვამს, რომ თელასმა დაინახა, რომ „აისი“ ავტომატურად იხდიდა გადასახადებს და აღნიშნული 1586 ლარის დავალიანების გადახდაც მას დააკისრა.

„თელასი ამტკიცებდა, რომ სემეკის ბრძანება გვაქვს, რომლის თანახმადაც როდესაც აბონენტს 2 ნომერი აქვს, უფლება გვაქვს გადავიტანოთო, თუმცა მათთვის ცნობილი იყო, რომ ეს აბონენტის ნომერი სანატორიუმ „გაზაფხულის“ აღარ იყო და სწორედ ამ მოტივით ვითხოვდით დავალიანების დაბრუნებას“, - აცხადებს ალექსიძე.

სასამართლო 2015 წლის 11 სექტემბერს ჩატარდა და სარეაბილიტაციო და სოციალური ადაპტაციის ცენტრი „აისი“ დაზარალებულად ცნეს, ხოლო თელასს უკანონოდ მიღებულ თანხის უკან დაბრუნება დაევალა. თელასს გასაჩივრების ვადა ოქტომბრის ბოლომდე აქვს, თუმცა იურისტი ვარაუდობს, რომ პროცესის სიცხადიდან გამომდინარე განაჩენი არ გასაჩივრდება.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC