05:52, Thursday, 12.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მოსახლეობა ს/ს „კახეთის ენერგოდისტრიბუციისგან“ უსაფრთხოების ნორმების დაცვას ითხოვს

26.10.2015

 
ლელა ხეჩოშვილი, კახეთი

„ბავშვები აივანს მოაცილეთ“ - ასე გააფრთხილეს კახეთის მკვიდრი ბელა გოჩინაშვილი საქართველოს ენერგეტიკისა და წყალმომარაგების მარეგულირებელი ეროვნული კომისიის აპარატში. 2015 წლის 22 მაისს გოჩინაშვილმა ზემოაღნიშნულ აპარატს დახმარების თხოვნით მიმართა, რათა შეეკეთებინათ მაღალი ძაბვის ელექტროგადამცემი ხაზი ან გადაეტანათ მისი საცხოვრებელი სახლის მოშორებით.

„საყრდენი ბოძები ისეა გადაწოლილი, რომ სადენები სახურავთან ახლოსაა, რაც მიზიდვის ალბათობას ზრდის, ნიავიც რომ დაუბერავს, ისე ჭრიალებს, რომ ველოდებით, როდის გაწყდება სადენები, რასაც დიდი ტრაგედია მოჰყვება“,- განაცხადა ბელა გოჩინაშვილმა.

გოჩინაშვილმა რამდენჯერმე ამაოდ მიმართა ს/ს „კახეთის ენერგოდისტრიბუციის” გაკოტრების მმართველს, მამუკა კოპალეიშვილს.

როგორც საქართველოს ენერგეტიკისა და წყალმომარაგების მარეგულირებელი ეროვნული კომისიის აპარატი განმარტავს, ბელა გოჩინაშვილისა და ს/ს ”კახეთის ენერგოდისტრიბუციის” წერილით №809 და ფოტომასალებით ირკვევა, რომ ბელა გოჩინაშვილის სახლთან არსებული  მაღალი ძაბვის 10 კვ. ელექტროგადამცემი ხაზი განთავსებულია ხის საყრდენ ბოძებზე, რომლებიც ამორტიზებულია და შესაძლებელია, მათი წაქცევის შემთხვევაში საფრთხე შეექმნას ადამიანის სიცოცხლეს. 

Humanrights.ge დაუკავშირდა გურჯაანის სერვისცენტრის მენეჯერს ავთანდილ ზარდიაშვილს, როგორც მან განაცხადა,  ამ დრომდე გოჩინაშვილის ამბის შესახებ ინფორმაცია არ ჰქონდა. აღნიშნა, რომ ორ დღეში ბრიგადას გააგზავნის და სათანადო დახმარებას გაუწევს.

„დღესვე მივიღებთ სათანადო ზომებს“– განუცხადა humanrights.ge-ს „კახეთის ენერგოდისტრიბუციის”  საზოგადოებასთან ურთიერთობის სამსახურის უფროსმა ბექა ბარამიძემ.

კახეთში მოსახლეობა, წლების განმავლობაში, ითხოვს ელექტროსადენების საყრდენი ბოძების გამოცვლას. განსაკუთრებით საშიში მდგომარეობაა გურჯაანის მუნიციპალიტეტის სოფელ ვაზისუბანში, სადაც მთავარი ძაბვის სადენები საცხოვრებელი სახლების სახურავებზე, აივნებსა და ეზოებზე გადის. ძველი  ბოძები თითქმის ყველა უბანში რამდენიმე გრადუსითაა გადახრილი, რის გამოც 3 000 ვოლტის გამავლობის სადენებმა განსაზღვრულ ნორმაზე მეტად დაბლა დაიწია და სიცოცხლისათვის დიდ საფრთხეს ქმნის.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC