12:55, Saturday, 19.09.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გურჯაანში „ქართული ოცნების“ პარტიული კონფერენცია გაიმართა

11.02.2016

 
ლელა ხეჩოშვილი, კახეთი

გურჯაანში „ქართული ოცნების“ პარტიული კონფერენცია ჩატარდა, რომელიც მედიისთვის დახურული იყო.  შეხვედრა, რომელიც გურჯაანის სამუსიკო სკოლაში შედგა ხმაურის ფონზე დაიწყო. ადგილზე მმართველი კოალიციის ბიუროს წევრები ხათუნა ბეციაშვილი და ციცინო ღვინიაშვილი მივიდნენ, მაგრამ ისინი უკან გამოაბრუნეს, რადგან ისინი დამსწრეთა სიაში არ აღმოჩდნენ.

ხათუნა ბეციაშვილისა და ციცინო ღვინიაშვილის განცხადებით, კონფერენციას ქართული ოცნების ღირსეული წევრების ნაცვლად ნაციონალური მოძრაობის წევრები ესწრებოდნენ. მათი თქმით, ისინი კონფერენციაზე გაურკვეველი მიზეზით არ მიიწვიეს. კონფერენციიის დასასრულს ბიუროს წევრები საქართველოს ენერგეტიკის მინისტრს, კახა კალაძეს შეხვდნენ და მისგან ვითარებაში გარკვევის პირობა მიიღეს.

 „კალაძემ მითხრა, თბილისში გავარკვიოთ ვითარებაო. მე კახეთში ქართული ოცნების შექმნაში ლომის წილი მიმიძღვის, ახლა კი კონფერენციიდან გამომაგდეს. აუცილებლად შევხვდები კალაძეს და ყველაფერს მოვუყვები. მე რომ ვყოფილიყავი კონფერენციაზე, ვანო ბერიძიშვილს ვერ აირჩევდნენ საოლქო ორგანიზაციის თავმჯდომარედ ”, - განაცხადა ციცინო ღვინიაშვილმა.

კონფერენციაზე საოლქო ორგანიზაციის თავმჯდომარე, ბიუროს წევრები და ყრილობის დელეგატები აირჩიეს. რაიონული ორგანიზაციის თავმჯდომარე გურჯაანის მუნიციპალიტეტის საკრებულოს თავმჯდომარე ვანო ბერიძიშვილი გახდა. ბიუროს წევრები კი - დავით ლაღიძე, ლევან ხაზიური, ზაქრო ქაჩლიშვილი, თამაზ შიშნიაშვილი და ეთერ ლოლაძე.

„ქართული ოცნების" კონფერენციის დასრულების შემდეგ, ენერგეტიკის მინისტრმა კახი კალაძემ თელავში გაზის ტარიფის გაძვირებასთან დაკავშირებით კომენტარი გააკეთა. მისი თქმით, ეს არის დისკრიმინაციული მიდგომა. მუშაობა მიმდინარეობს იმაზე, რომ მოახდინონ ტარიფების გათანაბრება  საქართველოს მასშტაბით, რათა თითოეულ მოქალაქეს  ერთნაირი ტარიფი ჰქონდეს. 

„ეს არის 2008-2009 წლებში მიღებული გადაწყვეტილება სოციალური სეგმენტის ნაწილობრივი დერეგულირების მიზნით. ეს მიზანმიმართულად გაკეთდა წინა ხელისუფლების დროს, რათა წახალისება მომხდარიყო გაზიფიცირების სამუშაოების, განსაკუთრებით რეგიონებისთვის. იმ მიზნით, რომ არა მხოლოდ კომპანია სოკარს და სახელმწიფოს ეწარმოებინა სამუშაოები, არამედ კერძო კომპანიებსაც, ვისაც ამისი სურვილი ჰქონდა. ამაში ვერც სახელმწიფო და ვერც მარეგულირებელი კომისია ვერ ჩაერევა, რადგან ეს დარეგულირებული სეგმენტია. პრობლემა არა მარტო კახეთში, არამედ სხვადასხვა რეგიონშიცაა. მაგალითად თბილისში, მუხიანის დასახლებაში ორი ლიცენზიანტი კომპანიაა. აბონენტების ერთ ნაწილს აქვს უფრო დაბალი ფასი, მეორეს მაღალი. ეს არის დისკრიმინაციული მიდგომა. ვმუშაობთ, რომ ტარიფების გათანაბრება მოვახდინოთ, რათა ჩვენი ქვეყნის მოქალაქეებს ერთნაირი ტარიფი ჰქონდეთ ", - განაცხადა  ენერგეტიკის მინისტრმა.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC