osgf.ge
6 ოქტომბერს ფონდ "ღია საზოგადოება-საქართველოს" მხარდაჭერით მუშაობა დაიწყო მედიაცენტრმა, რომლის მეშვეობით არასამთავრობო ორგანიზაციები საზოგადოებას უწყვეტ რეჟიმში მიაწვდიან საარჩევნო პროცესზე დაკვირვების შედეგებს.
მედიაცენტრში 8 და 9ოქტომბერს 8 არასამთავრობო ორგანიზაცია არჩევნების მიმდინარეობის შესახებ ბრიფინგებს გამართავს. ისინი შეაფასებენ უბნებზე არსებულ ვითარებას და ხმების დათვლის პროცესს.
ეს ორგანიზაციებია: ახალგაზრდა იურისტთა ასოციაცია,სამართლიანი არჩევნები, საერთაშორისო გამჭვირვალეობა, მრავალეროვანი საქართველო, საზოგადოებრივი დამცველი. განვითარებისა და დემოკრატიის ცენტრი,ადამიანის უფლებათა ცენტრი, სამოქალაქო კულტურის საერთაშორისო ცენტრი.
მედიაცენტრი განთავსებულია ნატოს საინფორმაციო ცენტრში თავისუფლების მოედანზე (დადიანის 2/1).