22:47, Tuesday, 14.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კასპის მუნიციპალიტეტის 2017 წლის ბიუჯეტი 9 732 200 ლარით განისაზღვრა

22.11.2016

 
ლადო ბიჭაშვილი, შიდა ქართლი

კასპის მუნიციპალიტეტის გამგეობამ მომავალი წლის ბიუჯეტის პროექტი 9 732 200 ლარით განსაზღვრა და 18 ნოემბერს კასპის მუნიციპალიტეტის საკრებულოს სხდომაზე დეპუტატებს განსახილველად წარუდგინა.  2017 წლის ბიუჯეტის პროექტს საკრებულოს წევრების უმრავლესობამ მხარი დაუჭირა და დამტკიცდა. ბიუჯეტის პროექტს მხარი არ დაუჭირეს საკრებულოს წევრებმა ოპოზიციიდან, ამის მიზეზად ისინი იმას ასახელებენ, რომ დეტალურად ვერ გაეცნენ ბიუჯეტის პროექტს, რადგან მმართველმა გუნდმა დაჩქარებული წესით შეიტანა საკრებულოს სხდომის დღის წესრიგში.

„ორ დღეში რამდენადაა შესაძლებელი ბიუჯეტის სწორად განხილვა და დამტკიცება, ეს ხალხმა გადაწყვიტოს“, - აღნიშნა საკრებულოს წევრმა „ლეიბორისტული პარტიიდან“, ოთარ ქოსაშვილმა.

საკრებულოს წევრი „ერთიანი ნაციონალური მოძრაობიდან“ რობერტ კავთიაშვილი აცხადებს, რომ ბიუჯეტის განხილვის დროს არავის ჰქონდა პასუხები დეპუტატების მიერ დასმულ კითხვებზე.

„ოთხი დღის წინ გავიგეთ, რომ ბიუჯეტის განხილვა უნდა ყოფილიყო, მეორე დღეს ჩაინიშნა ბიუროს სხდომა, სადაც მოვითხოვეთ ინფორმაცია და კითხვები დავსვით, მაგრამ პასუხი არავის ჰქონდა. მიუხედავად ამისა, ბიუჯეტის პროექტი მაინც გამოვიდა საკრებულოს სხდომაზე განსახილველად. ჩემმა კოლეგებმა უმრავლესობიდან, ყოველგვარი კითხვების გარეშე, დაუჭირეს მხარი 2017 წლის ბიუჯეტს“, - აღნიშნა რობერტ კავთიაშვილმა.

საკრებულოს დეპუტატის, მიხეილ ბექაურის განცხადებით, დეპუტატებს კითხვები ჰქონდათ ბიუჯეტის პროექტთან დაკავშირებით, თუმცა ბიუჯეტი რომ არ ჩავარდნილიყო ამიტომ მხარი დაუჭირეს მას.

ოპოზიციის დეპუტატების შენიშვნებს არ იზიარებს საკრებულოს თავმჯდომარე მანუჩარ მერებაშვილი. მისი განცხადებით ბიუჯეტის პროექტის განსახილველად ყველა საჭირო პროცედურა იყო დაცული.

,,ბიუჯეტის პროექტი გავიტანეთ ბიუროს სხდომებზე, სადაც დეპუტატებმა გამოთქვეს გარკვეული შენიშვნები, რომლის გათვალისწინებაც მოხდა გამგეობის მხრიდან და ამის შემდეგ დაუჭირეს მხარი", - აცხადებს კასპის საკრებულოს თავმჯდომარე.

კასპის მუნიციპალიტეტის 2017 წლის ბიუჯეტი წინა წელთან შედარებით რამდენიმე ათასი ლარითაა გაზრდილი.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC