04:51, Saturday, 19.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სოსო ოსორაულის ოჯახის წევრებმა საგარეო საქმეთა სამინისტროსთან აქცია გამართეს

10.10.2017

 
Reginfo.ge
 
კონგოში დატყვევებული ქართველი სამხედრო მფრინავის, სოსო ოსორაულის ოჯახის წევრებმა და ახლობლებმა, თბილისში, საქართველოს საგარეო საქმეთა სამინისტროსთან საპროტესტო აქცია გამართეს. აქციაში 30–მდე ადამიანი მონაწილეობდა.
 
„სამინისტროს აქვს ფოტომასალა, რომელზე დაყრდნობითაც ამბობენ, რომ სოსო გარდაცვლილია. მე მოვითხოვე ამ ფოტოს გადმოცემა, მაგრამ უარი მითხრეს, ოპერატიული მასალააო. სამინისტრო ამბობს, რომ ეს ფოტო ექსპერტიზაზე ჰქონდათ გაგზავნილი და ამტკიცებენ, რომ სოსო დაღუპულია თავში სროლის შედეგად, არადა თავში ნასროლი არ ეტყობა. ამიტომ მაქვს ეჭვი, რომ ეს ფოტო არ ასახავს რეალობას“, – აღნიშნა სოსო ოსორაულის ძმამ გიორგი ოსორაულმა.
 
„ჩვენ ვითხოვთ, რომ რა ინფორმაციასაც გვაწვდიან, ის დაგვიდასტურონ ან უარყონ. ფოტოს ჩვენება არ გვაკმაყოფილებს. როდემდე ვიყოთ გაურკვევლობაში. გვეუბნებიან, როცა ვიპოვით, როცა გავარკვევთ ყველაფერს, მაშინ გეტყვითო. 9 თვე გავიდა“, – ამბობს სოსო ოსორაულის მეუღლე ნინო ოსორაული.
 
გიორგი ოსორაულის თქმით, მას კონგოელი გენერლებისგან აქვს ინფორმაცია, რომ სოსო ოსორაული ცოცხალია.
 
რამდენიმე დღის წინ გიორგი ოსორაულმა ვრცელი მიმართვა გაავრცელა, სადაც განმარტავს თუ რატომ დუმდა მისი ძმის საქმესთან დაკავშირებით. მისი თქმით, თავდაცვის მინისტრმა ლევან იზორიამ მას უთხრა, რომ სოსო ოსორაულის გათავისუფლების მოთხოვნით დაგეგმილ საპროტესტო აქციას ოპოზიციური პარტიები წინასაარჩევნოდ გამოიყენებდნენ. ოსორაულმა ივლისში დაგეგმილი აქცია ჩაშალა, სანაცვლოდ მინისტრი მას დაპირდა, რომ საკითხს უშიშროების საბჭოს სხდომაზე დასვამდა და კონგოში გამგზავრებაშიც დაეხმარებოდა. გიორგი ოსორაული ამბობს, რომ მინისტრმა მოატყუა. ის სამსახურიდანაც გაათავისუფლეს.
 
41 წლის სოსო ოსორაული კონგოში, უკანონო შეიარაღებული დაჯგუფების, „23 მარტის მოძრაობის“ ტყვეობაში 8 თვის წინ ჩავარდა. კონგოს დემოკრატიული რესპუბლიკის სამხედრო-საჰაერო ძალების შემადგენლობაში არსებული Ми-24 ტიპის ორი დამრტყმელი შვეულმფრენი ქვეყნის აღმოსავლეთ ნაწილში, ჩრდილოეთ კივუს პროვინციაში 27 იანვარს ჩამოაგდეს. ერთ–ერთ შვეულმფრენს სოსო ოსორაული მართავდა. ქართველი პილოტები კონგოელ მფრინავებს მოიერიშე თვითმფრინავების საბრძოლო გამოყენებას ასწავლიდნენ.
 
საქართველოს საგარეო საქმეთა სამინისტროში აცხადებენ, რომ მათ ხელთ არსებული ინფორმაციით, სოსო ოსორაული გარდაცვლილია.
 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC