04:02, Sunday, 12.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„ოცნებამ“ გაყალბებული საჩივრები დედოფლისწყაროს კომისიიდან უკან გაითხოვა

30.10.2017

 
Reginfo.ge
 
დედოფლისწყაროს საოლქო საარჩევნო კომისიიდან „ქართულმა ოცნებამ“ დღეს, დილით უკან გაითხოვა ორი საჩივარი, რომლითაც მოთხოვნილი იყო მაჟორიტარული არჩევნების ხმების გადათვლა სოფელ ქვემო ქედში, სადაც „ნაციონალური მოძრაობის“ კანდიდატმა ავთანდილ ხარხელაურმა „ქართული ოცნების“ კანდიდატს გიორგი ხუმარაშვილს არჩევნები 6 ხმით მოუგო.
 
ცესკო–ს მონაცემებით, ქვემო ქედში ავთანდილ ხარხელაურს – 258 ხმა აქვს (48.04%), გიორგი ხუმარაშვილს კი 252 (46.93%).
 
დედოფლისწყაროს საოლქო–საარჩევნო კომისიაში გუშინ, საღამოს, „რეგინფოს“ უთხრეს, რომ საჩივრების ავტორები ქვემო ქედის საარჩევნო უბნებზე „ქართული ოცნების“ წარმომადგენლები მანანა ტოხიშვილი და თამარ ბერიანიძე იყვნენ. საჩივრების მიხედვით, აღნიშნული პირები ხმების დათვლის დროს უბანში იმყოფებოდნენ, ხმებს პარალელურ რეჟიმში ითვლიდნენ და მათ მიერ დათვლილი რაოდენობა შემაჯამებელ ოქმში შეტანილ მონაცემებს არ ემთხვევა.
 
„რეგინფოს“ მიერ არ ინფორმაციის გავრცელების შემდეგ, თამარ ბერიანიძემ წერილობით გვაცნობა, რომ მას არც საუბნო და არც საოლქო კომისიისთვის საჩივრით არ მიუმართავს. „ჩემთვის ცნობილი გახდა, რომ საოლქო კომისიაში საჩივარი შესულია ჩემი სახელით, თითქოს მე დავაფიქსირე დარღვევები ქვემო ქედის N15 საარჩევნო უბანზე, რაც არ შეესაბამება სიმართლეს. საჩივრით არც საუბნო და არც საოლქო კომისიისთვის მე არ მიმიმართავს“, – აღნიშნავს თამარ ბერიანიძე.
 
დღეს, დილით, დედოფლისწყაროს საოლქო–საარჩევნო კომისიიდან „ქართული ოცნების“ წარმომადგენელმა გიორგი ნასრაშვილმა საჩივრები უკან გაითხოვა. საოლქო კომისიაში დავაზუსტეთ, რომ კომისიაში ტოხიშვილის და ბერიანიძის სახელით საჩივრები გუშინ იგივე პირის, გიორგი ნასრაშვილის მიერ იყო წარდგენილი. ნასრაშვილს საოლქო კომისიაში განუმარტავს, რომ მან საჩივრების წარდგენის და შემდეგ უკან გათხოვის შესახებ დავალება „ქართული ოცნების“ დედოფლისწყაროს შტაბიდან მიიღო.
 
„რეგინფომ“ პარტია „ქართული ოცნების“ დედოფლისწყაროს შტაბიდან საჩივრების გაყალბებასთან დაკავშირებით კომენტარის მოპოვება ვერ მოახერხა.
 

ორიგინალი
 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC