ლადო ბიჭაშვილი, შიდა ქართლი
,,ქართული ოცნება – დემოკრატიული საქართველოს" პროპორციული სიის პირველმა ნომერმა, გელა კაპანაძემ გორის მუნიციპალიტეტის საკრებულოს წევრის მანდატი დატოვა და თვითმმართველობის აღმასრულებელ ორგანოში გადაინაცვლა. კაპანაძემ გორის მუნიციპალიტეტის მერის პირველი მოადგილის თანამდებობა დაიკავა, მის ნაცვლად კი საკრებულოში მიხეილ ვახტანგაშვილი შევა.
24 ნოემბერს გორის მუნიციპალიტეტის საკრებულოს სხდომაზე, კაპანაძის საკრებულოს წევრობის დატოვების შესახებ, განაცხადი ცნობად მიიღეს. როგორც საკრებულოს თავმჯდომარე დავით რაზმაძე აცხადებს, მომდევნო სხდომაზე გელა კაპანაძის ადგილმონაცვლის, მიხეილ ვახტანგაშვილის უფლებამოსილებას ცნობენ.
გორის მუნიციპალიტეტის მერმა, კონსტანტინე თავზარაშვილმა კაპანაძის გარდა კიდევ ორი მოადგილე დანიშნა - ალექსი მარიამიძე და ეკატერინე სუხიშვილი.