02:06, Friday, 25.05.2018
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

საბავშვო ბაღის დირექტორად ნარკოტიკის მომხმარებლების დანიშნვნა აიკრძალა

17.05.2018

 
Reginfo.ge 

საბავშვო ბაღის დირექტორის პოზიციაზე ნარკოტიკების მომხმარებელი და განზრახი დანაშაულისათვის ნასამართლევი პირების დანიშვნა აიკრძალა. დღეისათვის მსგავსი რეგულაცია 45 მუნიციპალიტეტის საკრებულოს აქვს მიღებული.

საკრებულოების მიერ მიღებული დადგენილებები, რომლითაც საბავშვო ბაღების დირექტორების საკვალიფიკაციო მოთხოვნებია განსაზღვრული, ადგენენ, რომ ამ თანამდებობას ვერ დაიკავებს პირი, რომელიც კანონმდებლობით დადგენილი ფორმით არ წარადგენს ნარკოლოგიური შემოწმების ცნობას, ანდა წარმოდგენილი ცნობა ადასტურებს ნარკოტიკული საშუალების მოხმარების ფაქტს.    

2017 წლის 21 ოქტომბრის ადგილობრივი თვითმმართველობის ორგანოების არჩევნების შემდეგ ასეთი აკრძალვა შემოიღეს საგარეჯოს, ხულოს, ქალაქ ქუთაისის, გორის, მცხეთის, თერჯოლის, წყალტუბოს, ბაღდათის, თელავის, ბორჯომის, ზუგდიდის, ამბროლაურის, ონის, ვანის, ახალქალაქის, ახალციხის, წალკის, ნინოწმინდის, ქარელის, მარნეულისა და ასპინძის საკრებულოებმა. 

წინა მოწვევის საკრებულოებიდან ანალოგიური შინაარსის აკრძალვა დამტკიცებული აქვთ ჩხოროწყუს, ადიგენის, მარტვილის, ქალაქ ბათუმის, ცაგერის, წყალტუბოს, წალენჯიხის, ხელვაჩაურის, შუახევის, მესტიის, ქალაქ რუსთავის, სენაკის, გარდაბნის, გურჯაანის, დმანისის, ქედას, თეთრიწყაროს, ქობულეთის, ქალაქ ფოთის, ხობის, ბოლნისის, აბაშის, ჩოხატაურისა და ყვარლის საკრებულოებს. 

მუნიციპალიტეტებში აღნიშნული დადგენილებების მიღება „ადრეული და სკოლამდელი აღზრდისა და განათლების შესახებ“ კანონით არის განსაზღვრული. კანონის თანახმად, საბავშვო ბაღების დირექტორების საკვალიფიკაციო მოთხოვნები თითოეულ მუნიციპალიტეტს 2017 წლის 1-ელ ოქტომბრამდე უნდა დაემტკიცებინა. 

აღსანიშნავია, რომ, „ნარკოტიკული დანაშაულის წინააღმდეგ ბრძოლის შესახებ“ კანონის მიხედვით, ნარკოტიკული საშუალებების მომხმარებლისათვის პედაგოგიური საქმიანობისა და საგანმანათლებლო დაწესებულებაში მუშაობის უფლების 3 წლით ჩამორთმევა მხოლოდ სასამართლოს გამამტყუნებელი განაჩენის საფუძველზე დაიშვება.


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ შეაფასებთ თბილისის ახალი მერის მუშაობას?
დადებითად უარყოფითად ამ ეტაპზე თავს შევიკავებ

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2018 HRIDC