21:41, Wednesday, 17.10.2018
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ტატუნაშვილის საქმის გამოძიების საკითხი - ერგნეთის ფორმატში

17.05.2018

 
 
                                                             ლადო ბიჭაშვილი, შიდა ქართლი

15 მაისს, ერგნეთში,  ინციდენტების პრევენციისა და მათზე რეაგირების მექანიზმის სამუშაო ჯგუფის რიგით 86-ე  შეხვედრა ცხრა საათის განმავლობაში მიმდინარეობდა. შეხვედრაზე მთავრი საკითხი არჩილ ტატუნაშვილის გარდაცვალებას ეხებოდა. საქართველოს ხელისუფლების წარმომადგნელებმა შეხვედრაზე დააფიქსირეს, რომ არჩილ ტატუნაშვილი მოკლულია და  ცხინვალის დე-ფაქტო მთავრობას ყველა მასალის გადმოცემა მოსთხოვეს, მათ შორის - ტატუნაშვილის ცხედრის შინაგანი ორგანოების.

„ჩვენი მიზანია, ტატუნაშვილის საქმე სიღრმისეულად გამოიძიონ, გამოავლინონ დამნაშავეები და დასაჯონ ისინი. აუცილებელია, ჩვენ გვქონდეს ყველა ნივთმტკიცება, ასევე, გადმოგვეცეს ტატუნაშვილის შინაგანი ორგანოები, რომელიც დღემდე არ გადმოუციათ. თუ არ გადმოგვცემენ ყველა საჭირო ნივთმტკიცებასა და შინაგან ორგანოებს, ეჭვები მკვლელობასთან დაკავშირებით კიდევ უფრო გაგვიმყარდება“, - განაცხადა შინაგან საქმეთა სამინისტროს ანალიტიკური სამსახურის უფროსმა, კახაბერ ქემოკლიძემ.

შეხვედრის დასრულების შემდეგ მედიის წარმომადგენლებთან კომენტარი ოსური მხარის წარმომადგენელმა მურად ჯიოევმა გააკეთა, რომელიც არჩილ ტატუნაშვილის შინაგანი ორგანოების გადმოცემის საკითხზე პასუხიმგებლობას იხსნის და ამბობს, რომ  რუსეთის საექსპერტო ბიურომ ყველა პროცედურა თავისი მეთოდოლოგიის მიხედვით გააკეთა და მას დამატებითი ინფორმაცია არ აქვს. 

„ოსური მხარე არ იყო დაინტერესებული ტატუნაშვილის სიკვდილით. ეს ბუნებრივად მოხდა, ის გულის შეტევით გარდაიცვალა. ის სამხრეთ ოსეთის სპეცსამსახურებისთვის ცოცხალი უფრო საინტერესო იყო, რადგან ქართული სპეცსამსახურების დავალებით მოქმედებდა და მასთან კითხვები გვქონდა, მაგრამ, სამწუხაროდ, ამ კითხვებს ვეღარავის დავუსვამთ. სამხრეთ ოსეთის დადანაშაულება ადამიანის მკვლელობაში უსაფუძვლოა. ქართულ მხარეს სხვა საექსპერტო დასკვნა არა აქვს, ამიტომ ყველა მტკიცება მხოლოდ ვარაუდია”, - აღნიშნა მურატ ჯიოევმა.

დააკმაყოფილებს თუ არა ცხინვალის დე-ფაქტო მთავრობა საქართველოს ხელისუფლების მოთხოვნას,  ტატუნაშვილის ცხედრიდან ამოჭრილი შინაგანი ორგანოების გადმოცემასთან დაკავშირებით, ჯერჯერობით უცნობია. საქართველოს ხელისუფლება კი მათგან ნებისმიერი ტიპის მასალას ელოდება, რომელიც არჩილ ტატუნაშვილის გარდაცვალების საქმის სიღრმისეული გამოძიებისთვის რელევანტური იქნება.   ​

,,იმ შემთხვევაში თუ ცხინვალის დე-ფაქტო მთავრობა საქართველოს ხელისუფლებასთან არ ითანამშრომლებს, იმ ეჭვებს კიდევ უფრო გაზრდის, რომელსაც  ტატუნაშვილის მკვლელობასთან მივყავართ და რასაც   ცხედრის გადმოცემის დაგვიანება და  ამოჭრილი შინაგანი ორგანოებიც მოწმობს", - ამბობს შინაგან საქმეთა სამინისტროს ანალიტიკური სამსახურის უფროსი კახაბერ ქემოკლიძე. 

მისი თქმით, არჩილ ტატუნაშვილის გარდაცვალების გამომწვევ მიზეზთან დაკავშირებით  სამხარაულის ექსპერტიზის დასკვნის დადების შემდეგ, საქართველოს ხელისუფლებას უფრო ჩამოყალიბებული პოზიცია და კონკრეტული მოთხოვნები ექნება. 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
რომელ საპრეზიდენტო კანდიდატს აძლევთ ხმას?
სალომე ზურაბიშვილი გრიგოლ ვაშაძე დავით ბაქრაძე დავით უსუფაშვილი სხვა კანდიდატს არ მაქვს გადაწყვეტილი არ მივდივარ არჩევნებზე

ბლოგი

უგზო-უკვლოდ დაკარგულები - „არ დამივიწყო!“
1 თვე გავიდა მას შემდეგ, რაც ბებია დაიკარგა. უგზო-უკვლოდ დაკარგულთა რიგებს შეუერთდა 73 წლის ბებო, რომლის კვალი საკუთარ სოფელში, ეზოს მახლობლად იკარგება. 
ვრცლად...
კუდები გვაკვირვებს
მოჩვენებითი მშვიდობა ბალკანეთში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2018 HRIDC