20:27, Friday, 21.09.2018
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ილიას ტბაზე სცენის ჩატეხვის გამო ფესტივალის მონაწილეები დაშავდნენ

23.05.2018

 
Reginfo.ge

ყვარელში, ილიას ტბაზე „ფოლკლორის ანსამბლების მე-4 რესპუბლიკური ფესტივალის“ ფარგლებში ცეკვის დროს სცენა ჩატყდა. რამდენიმე ბავშვმა მსუბუქი დაზიანება მიიღო, რის გამოც ანსამბლის ხელმძღვანელმა საცეკვაო ნომერი გააუქმა.

„თბილისიდან ჩამოსულმა ანსამბლმა მომხდარის გამო ცეკვის გაგრძელებაზე უარი თქვა. ბავშვი ტიროდა და ეტყობოდა, რომ ერთი ფეხი დალურჯებული ჰქონდა. ფიცრებს შორის ფეხი კიდევ ერთ გოგონას ჩაუვარდა. ერთმა ფეხსაცმელი დაკარგა. ცეკვა ფეხშიშველმა გააგრძელა. მშობლები თავზე ვედექით, რომ კიდევ ვინმე არ ჩავარდნილიყო“, - უთხრა „რეგინფოს“ ერთ-ერთი მოცეკვავის დედამ.

ილიას ტბაზე ამფითეატრის სცენა რომ გაუმართავია, ამას ყვარლის კულტურული მემკვიდრეობის, სპორტულ-გამაჯანსაღებელი და დასასვენებელი ობიექტების დაცვისა და განვითარების ცენტრის დირექტორი დიმიტრი სოლომნიშვილიც ადასტურებს. ილიას ტბის დასასვენებელ კომპლექსს მუნიციპალიტეტის მიერ დაფუძნებული ეს ორგანიზაცია მართავს.

დიმიტრი სოლომნიშვილი მომხდარზე პასუხისმგებლობას ფესტივალის ორგანიზატორებს აკისრებს. მისი თქმით, ადგილი ჰქონდა მცირე ინციდენტს, რაც იმითაც დასტურდება, რომ სასწრაფო სამედიცინო დახმარების გამოძახება საჭირო არ გამხდარა.
„უკვე მეოთხე წელია, რაც ეს ფესტივალი ილიას ტბაზე ტარდება. ორგანიზატორი არასამთავრობო ორგანიზაცია „საქართველოს კულტურის განვითარებისა და აღორძინების ცენტრია“. წელს დაახლოებით 1400-მდე ადამიანი მონაწილეობდა მთელი საქართველოდან. სცენა უსასყიდლოდ დავუთმეთ. იქიდან გამომდინარე, რომ 7 წელი გავიდა და შეკეთება სჭირდება, სცენას არ ვაქირავებთ. დათვალიერების დროს ორგანიზატორებს პრეტენზია არ გამოუთქვამთ“, - ამბობს დიმიტრი სოლომნიშვილი.

მისივე თქმით, უახლოეს პერიოდში ყვარლის მუნიციპალიტეტის მერია ტენდერს გამოაცხადებს, რის შემდეგაც ამფითეატრის სცენას რეაბილიტაცია ჩაუტარდება.

ყვარლის კულტურული მემკვიდრეობის, სპორტულ-გამაჯანსაღებელი და დასასვენებელი ობიექტების დაცვისა და განვითარების ცენტრი მუნიციპალური ბიუჯეტიდან 150 ათასი ლარით ფინანსდება. გარდა ამისა, ილიას ტბის დასასვენებელ კომპლექსს საკუთარი შემოსავალიც აქვს.

ილიას ტბა საქართველოს პრეზიდენტმა მიხეილ სააკაშვილმა 2011 წლის 18 ნოემბერს გახსნა. ტბას გარშემო 4 კილომეტრიანი ველობილიკი აკრავს. მოწყობილია ტრენაჟორები, ფეხბურთისა და კალათბურთის მოედნები. ილიას ტბაზე ინფრასტრუქტურის ნაწილი უკვე რამდენიმე წელია მნიშვნელოვნად არის დაზიანებული. ზაფხულობით ილიას ტბას სტუმრები კახეთის ყველა მუნიციპალიტეტიდან სტუმრობენ. ილიას ტბა მუნიციპალურ საკუთრებაში არსებული ერთადერთი ასეთი კომპლექსია, რომელიც ყველასთვის არის ხელმისაწვდომი.

 
ორიგინალი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ემხრობით თუ არა ნარკოპოლიტიკის ლიბერალიზაციას?
კი არა არ ვიცი

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2018 HRIDC