20:41, Friday, 21.09.2018
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პარლამენტმა ნარკოპოლიტიკის ლიბერალიზაციის კანონპროექტის განხილვა განაახლა

27.05.2018

 
ნათია გოგოლაშვილი

საკანონმდებლო ორგანოში ნარკოპოლიტიკის რეფორმაზე მუშაობა გაგრძელდა. აღსანიშნავია, რომ მაისის თვის დასაწყისში პარლამენტში ნარკოპოლიტიკის ლიბერალიზაციის შესახებ კანონპროექტის განხილვა გადაიდო, თუმცა 12 მაისის მოვლენების შემდეგ, პარლამენტის თავმჯდომარემ განაცხადა, რომ  ნარკოპოლიტიკასთან დაკავშირებული კანონპროექტი უახლოესი ორი კვირის ვადაში მომზადდებოდა.

„ჩვენ გავაკეთეთ უკვე გარკვეული განაცხადი იმასთან დაკავშირებით, თუ რა ვადებში მომზადდება შესაბამისი კანონპროექტი და რა ვადებში იქნება მიღებული ეს კანონპროექტი, რომელიც უკავშირდება ნარკოპოლიტიკას. ჩვენი ამოცანაა, რომ მიმდინარე სესიის ბოლომდე, ანუ ივნისის ბოლომდე დავასრულოთ უკვე კანონპროექტის მიღება. ეს ნიშნავს იმას, რომ უახლოესი ორი კვირის ვადაში უნდა მომზადდეს შესაბამისი კანონპროექტი. მთავარი ამოცანა სწორედ ეს არის, პირველ რიგში, უმრავლესობის შიგნით მოსაზრებების შეჯერება, შესაბამისად, დავიწყებთ ამაზე აქტიურად მუშაობას და უახლოესი ორი კვირის განმავლობაში ჩვენ აუცილებლად  უნდა შევჯერდეთ პრინციპებზე-ეს არის ამოცანა და მე ვფიქრობ, რომ ეს არის საკმაოდ რეალისტური ამოცანა“, - განაცხადა ირაკლი კობახიძემ.

პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის, აკაკი ზოიძის განცხადებით, გადაწყვეტილების მიღება უსასრულოდ არ გაგრძელდება. მისი თქმით, შესაძლოა, ნარკოპოლიტიკის საკითხზე შიდა რეიტინგული კენჭისყრა გაიმართოს. ზოიძის განცხადებით, კანონმდებლობა კიდევ უფრო გამკაცრდება ე.წ. „სააფთიაქო ნარკომანიის“ მიმართულებით. 

„გამსაღებელთა მიმართ სამუდამო პატიმრობა და მაღალი საპატიმრო სასჯელები რჩება, ასევე ემატება სასჯელები აფთიაქიდან ფსიქოტროპული საშუალებების გადინებასთან დაკავშირებით. ამოქმედდება ბერკეტები, რომლებიც ამ გადინებას შეაჩერებს. მცირე ოდენობით მოხმარებისთვის იქნება ადმინისტრაციული სასჯელი“, - განაცხადა ზოიძემ.

„დღეს მსჯელობა იმაზე კი არ უნდა მიმდინარეობდეს, ნარკოპოლიტიკა გვაქვს თუ არა ეფექტური ან არაეფექტური, არამედ უნდა მიმდინარეობდეს იმაზე, თუ რა ნაბიჯები უნდა გადადგას მთავრობამ იმ მიმართულებით, რომ ბრძოლაც ეფექტური იყოს ნარკორეალიზატორების წინააღმდეგ და, მეორე მხრივ, ეფექტური რეაბილიტაციის პროგრამები იყოს შეთავაზებული მომხმარებლისთვის, მაგრამ ქართულ ოცნებაში არ არსებობს არანაირი კოორდინაცია, გააზრება და ხედვა იმისა, თუ როგორი უნდა იყოს ნარკოპოლიტიკა“, - განაცხადა ჯანდაცვის კომიტეტის თავმჯდომარის მოადგილემ, ზურაბ ჭიაბერაშვილმა.

ნარკოპოლიტიკასთან დაკავშირებული კანონპროექტი 2017 წლის ივნისში დაარეგისტრირეს დეპუტატებმა: აკაკი ზოიძემ, ლევან კობერიძემ, დიმიტრი ცქიტიშვილმა, ირინა ფრუიძემ და სოფო ქაცარავამ. შესაბამისად, თითქმის ერთი წელია, საკანონმდებლო ორგანოში კანონპროექტი იხილება, რადგან ამ დრომდე კანონპროექტის მიღება პარლამენტმა არაერთხელ გადადო. მთავარი კანონმდებელი კი საზოგადოებას დაჰპირდა, რომ ივნისის ბოლოს საკანონმდებლო ორგანო ნარკოპოლიტიკასთან დაკავშირებული კანონპროექტის განხილვას დაასრულებს.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ემხრობით თუ არა ნარკოპოლიტიკის ლიბერალიზაციას?
კი არა არ ვიცი

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2018 HRIDC