21:22, Tuesday, 11.12.2018
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

რატომ ცემეს ახმეტაში სპორტული სკოლის დირექტორი მამუკა აბრამიშვილი

03.06.2018

 
Reginfo.ge 

ახმეტაში ზურაბ ზვიადაურის სახელობის ძიუდოს სასპორტო სკოლის დირექტორი მამუკა აბრამიშვილი ცემეს. აბრამიშვილს ფიზიკურად 26 მაისს გაუსწორდნენ. მომხდარის შემდეგ მამუკა აბრამიშვილი სამსახურში არ გამოცხადებულა.

„გავიგე, რომ ცემეს. სამსახურში არ მოსულა. ტელეფონი გათიშული აქვს. თანამშრომლები გავგზავნე, რომ მომეკითხა, მაგრამ სახლში არ დახვდათ“, - უთხრა „რეგინფოს“ ახმეტის მუნიციპალიტეტის მერმა იოსებ ქარუმაშვილმა.

„რეგინფოს“ ინფორმაციით, მამუკა აბრამიშვილის ცემა ძიუდოს ფედერაციაში განვითარებულ მოვლენებს უკავშირდება. როგორც ცნობილია, ძიუდოს ეროვნული ნაკრების კაპიტანი და წევრები, ასევე ოლიმპიური ჩემპიონი, ახმეტის ყოფილი მაჟორიტარი დეპუტატი ზურაბ ზვიადაური ძიუდოს ფედერაციის პრეზიდენტის თანამდებობიდან დავით ქევხიშვილის გადადგომას ითხოვენ. ამ მოთხოვნით, ძიუდოისტებმა, 27 მაისს, თბილისში, პარლამენტის შენობასთან საპროტესტო აქციაც გამართეს. აქციაზე სიტყვით გამოსვლისას ზვიადაური ახმეტაში წინა დღეს მომხდარ ფაქტსაც შეეხო. „იქიდან გამომდინარე, გუშინ რაც მოხდა ახმეტაში, ყველამ გაიგეთ ალბათ, ვღელავ“, - აღნიშნა ზვიადაურმა.

ახმეტის სასპორტო სკოლის თანამშრომლებმა „რეგინფოს“ უთხრეს, რომ მამუკა აბრამიშვილი ზურაბ ზვიადაურის დავალებით ახმეტიდან თბილისში დაგეგმილ აქციაზე სპორტსმენების წაყვანას ცდილობდა, რასაც აბრამიშვილსა და დავით ქევხიშვილის მომხრეებს შორის დაპირისპირება მოჰყვა.

საყურადღებოა კიდევ ერთი ინფორმაცია, რომელიც „რეგინფომ“ მოიპოვა. გასულ კვირაში ახმეტის სასპორტო სკოლის დირექტორის მოადგილედ ძიუდოს კლუბ „პანკისის“ დამფუძნებელი ვასილ მარგოშვილი დაინიშნა, რომელიც დავით ქევხიშვილთან მეგობრობს. პანკისის ძიუდოს კლუბმა ფედერაციაში მიმდინარე მოვლენებთან დაკავშირებით, 5 მაისს განცხადებაც გაავრცელა და დავით ქევხიშვილს მხარდაჭერა გამოუცხადა.

სასპორტო სკოლის დირექტორის მოადგილედ ვასილ მარგოშვილის დანიშვნას უარყოფს ახმეტის მერი იოსებ ქარუმაშვილი. თუმცა, მერიის თანამშრომლებმა „რეგინფოს“ უთხრეს, რომ ვასილ მარგოშვილის დანიშვნაზე გადაწყვეტილება მას შემდეგ შეიცვალა, რაც მამუკა აბრამიშვილმა და ზურაბ ზვიადაურმა ეს საკითხი გააპროტესტეს.
არაერთი მცდელობის მიუხედავად „რეგინფომ“ ვერ მოახერხა მამუკა აბრამიშვილთან, ვასილ მარგოშვილთან და ზურაბ ზვიადაურთან დაკავშირება.

ზურაბ ზვიადაურმა თვითონ გაავრცელა ფოტო, რომელიც ნაცემ მამუკა აბრამიშვილთან ერთად აქვს გადაღებული. ფოტოდან ჩანს, რომ სასპორტო სკოლის დირექტორს დაზიანებები მარცხენა თვალის და შუბლის არეში აქვს მიყენებული.

შინაგან საქმეთა სამინისტროში „რეგინფოს“ უთხრეს, რომ მამუკა აბრამიშვილის ცემის ფაქტზე გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს.


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ყოფილხართ თუ არა ოჯახში ძალადობის მსხვერპლი და მიგიმართავთ თუ არა სამართალდამცავებისთვის?
დიახ და მიმიმართავს დიახ და არ მიმიმართავს არ ვყოფილვარ

ბლოგი

უგზო-უკვლოდ დაკარგულები - „არ დამივიწყო!“
1 თვე გავიდა მას შემდეგ, რაც ბებია დაიკარგა. უგზო-უკვლოდ დაკარგულთა რიგებს შეუერთდა 73 წლის ბებო, რომლის კვალი საკუთარ სოფელში, ეზოს მახლობლად იკარგება. 
ვრცლად...
კუდები გვაკვირვებს
მოჩვენებითი მშვიდობა ბალკანეთში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2018 HRIDC