ლადო ბიჭაშვილი, შიდა ქართლი
გორში, 25 ოქტომბერს მოკლული 9 წლის გოგო 30 ოქტომბერს დაკრძალეს. სამოქალაქო პანაშვიდზე მისულმა შს მინისტრის პირველმა მოადგილე კახა საბანაძემ ჟურნალიტებს განუცხდა, რომ მკვლელობაში ბრალდებულ პირს, ბრალი გარყვნილი ქმედების მუხლით დაუმძიმდა. მინისტრის მოადგილის თქმით, მკვლელობის საქმეში ბევრი მტკიცებულება არსებობს და დამნაშავე კანონის სრული სიმკაცრით დაისჯება.
„დაკავებულს ბრალი დაუმძიმდა და წარედგინა, კერძოდ, დაემატა 141-ე მუხლი, ეს არის გარყვნილი ქმედება. დამატებით გეტყვით იმას, რომ ყველანაირი მტკიცებულებაა იმისთვის, რომ დადგეს გამამტყუნებელი განაჩენი და დამნაშავე კანონის სრული სიმკაცრით დაისაჯოს“, - განაცხადა საბანაძემ.
28 ოქტომბერს, სასამართლომ, 9 წლის გოგოს მკვლელობის ბრალდებით დაკავებულ ახალგაზრდა მამაკაცს აღკვეთი ღონისძიების სახით პატიმრობა შეუფარდა.