21 მარტს, 14:00 საათზე, ადამიანის უფლებათა ცენტრი, თბილისის ადამიანის უფლებათა სახლის საკონფერენციო დარბაზში წარმოადგენს ფილმს - „სამართალდამრღვევი სამართალდამცავები“.
ფილმი - „სამართალდამრღვევი სამართალდამცავები“ ასახავს პოლიციელთა უფლებამოსილების გადამეტებისა და ძალადობის ფაქტებს.
ფილმი ეყრდნობა არასამთავრობო ორგანიზაციების: ადამიანის უფლებათა ცენტრის, ადამიანის უფლებების სწავლებისა და მონიტორინგის ცენტრის, ახალგაზრდა იურისტთა ასოციაციისა და საქართველოს დემოკრატიული ინიციატივის მიერ მოწოდებულ ფაქტებს და შეფასებებს.
ფილმში „სამართალდამრღვევი სამართალდამცავები“ ასევე ასახულია დაზარალებულთა ისტორიები, რომლებიც გახდნენ პოლიციელთა მიერ არასათანადო მოპყრობის მსხვერპლები.
ფილმი გადაღებულია აშშ-ის ფონდის - NED-ის მხარდაჭერით.