19:58, Sunday, 20.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„პური გაძვირდა, შრომის ფასი - არა"

19.03.2019

 
ლადო ბიჭაშვილი, შიდა ქართლი

15 მარტს, გორში, წისქვილკომბინატის თანამშრომლები გაიფიცნენ და საპროტესტო აქციაზე, სამუშაო პირობების გათვალისწინებით, ხელფასის გაზრდა მოითხოვეს. გაფიცულ თანამშრომლებს თავდაპირველად ოთხი ძირითადი მოთხოვნა ჰქონდათ.

,,ჩვენ გვაქვს ოთხი ძირითადი მოთხოვნა, ესენია:  შრომის ანაზღაურების გაზრდა,  კოლექტიური ხელშეკრულებების გაფორმება,  პროფკავშირებთან ურთიერთობის გამო თანამშრომლებზე ზეწოლის შეწყვეტა და ამის გამო გათავისუფლებული თანამშრომლების აღდგენა. მეოთხე კი -  სამუშაო პირობების გაუმჯობესებაა", -  აცხადებს გიორგი გაზაშვილი.

წისქვილ-კომბინატ  ,,კარმენის" თანამშრომლების აქციას პროფკავშირების წარმომადგენლებიც შეუერთდნენ, რის შემდეგაც მეხუთე მოთხოვნა - ,,კარმენის" დირექტორის, მერაბ დავითაშვილის გადადგომა დაემატა. მერაბ დავითაშვილს სამსახურიდან თანამშრომლების უკანონოდ გათავისუფლებაში ადანაშაულებდნენ.

კომპანია ,,კარმენი" აზერბაიჯანელმა ინვესტორმა შეისყიდა. აქციის დროს  გაფიცულ თანამშრომლებსა და პროფკავშირების წარმომადგენლებს ,,კარმენის” ხელმძღვანელი პირები შეხვდნენ. შეხვედრიდან გამოსულები აცხადებდენ, რომ ,,კარმენის" დირექტორი გაათავისუფლეს და დანარჩენი მოთხოვნების შესრულებაზე კონსულტაციები კვლავ გრძელდება.

,,დირექტორის გათავისუფლებაზე მოთხოვნა დაკმაყოფილდა ინვესტორის მხრიდან, ასევე აღადგინეს დირექტორის მიერ გათავისუფლებული რვა თანამშრომელი. დარჩენილი მოთხოვნები რაც არის ხელფასის გაზრდასთან, სპეცტანსაცმელთან და კოლექტიურ ხელშეკრულებების დადებასთან დაკავშირებით, ერთობლივ სამუშაო შეხვედრებზე იქნება ეს საკითხები გადაწყვეტილი", - განაცხდა პროფკავშირების თავმჯდომარემ, ირაკლი პეტრიაშვილმა.

წისქვილკომბინატის თანამშრომლები ინვესტორის მხრიდან დარჩენილი მოთხოვნების დროულ შესრულებას ითხოვენ.

,,ჩვენ გავდივართ მძიმე სამუშაო პირობების კატეგორიაში და ჩვენი მოთხოვნები ყველა უნდა შესრულდეს. დღევანდელი მდგომარეობით სრულყოფილი შედეგი არ გვაქვს. იმედია, რომ ჩვენი ყველა მოთხოვნა დაკმაყოფილდება და ხელფასები გაიზრდება", - განაცხდა აქციის ერთ-ერთმა მონაწილემ. 

გაფიცულმა თანამშრომლებმა ინვესტორს განუცხადეს, რომ მათ ინტერესებში არ შედის წისქვილკომბინატის გაჩერება და იმ შემთხვევაში, თუ მათი მოთხოვნები დაკმაყოფილდება, ისინი მზად არიან, ხელი შეუწყონ წარმოების გაზრდას.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC