11:50, Tuesday, 24.09.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ერგნეთის შეხვედრა ურთიერთბრალდებების ფონზე

24.05.2019

 
 ლადო ბიჭაშვილი, შიდა ქართლი

16 მაისს, ინციდენტების პრევენციის და მათზე რეაგირების მექანიზმის ფარგლებში, ერგნეთში გამართული რიგით 93-ე შეხვედრა ურთიერთბრალდებების ფონზე დასრულდა. შეხვედრიდან გამოსულმა ცხინვალის დე-ფაქტო მთავრობის წარმომადგენელმა, ეგორ კოჩიევმა ჟურნალისტებთან მიცემულ ინტერვიუში განაცხადა, რომ ზნაურთან ქართველმა სამართალდამცავებმა და „ამოუცნობმა მფრინავმა ობიექტებმა“ ე.წ. „საზღვარი“ დაარღვიეს. 

სახელმწიფო უსაფრთხოების სამსახურის ანალიტიკური დეპარტამენტის უფროსის მოადგილე, ირაკლი ანთაძე ამ ბრალდებებს არ ადასტურებს და აცხადებს, რომ რუსული ავიაციის მხრიდან მოხდა საქართველოს კონტროლირებად ტერიტორიზე გადმოფრენა.

,,გაუგებარია, რომელ საჰაერო სივრცეზეა საუბარი, ან ვისი საჰაერო სივრცის დარღვევაზეა საუბარი. საოკუპაციო ხაზი არის პირობითი ცნება, რადგან ამ ვირტუალური ხაზის ორივე ნაწილი არის საქართველოს ტერიტორია და შესაბამისად, ნებისმიერი მსგავსი ტიპის ქმედება ატარებს უკიდურეს ნეგატიურ ხასიათს და უაღრესად სახიფათოა ადგილზე არსებული უსაფრთხოების გარემოსთვის. რაც შეეხება ქართველი პოლიციელების მიმართ გაჟღერებულ ბრალდებებს, ეს არ შეესაბამება სინამდვილეს, ვინაიდან ქართული პოლიცია ოპერირებს და მისი ამოცანა ადგილობრივი მოსახლეობის უსაფრთხოება და ადგილზე მართლწესრიგის დაცვაა. ნებისმიერი ბრალდება, რომელიც არ იქნება გამყარებული არგუმენტებით, უსაფუძვლოა", - აცახდებს ირაკლი ანთაძე.

შეხვედრაზე საუბარი შეეხო ასევე ბოლო პერიოდში საოკუპაციო ხაზთან მომხდარ საქართველოს მოქალაქეების გატაცების ფაქტებს. საქართველოს ცენტრალურმა ხელისუფლებამ შეხვედრაზე ასევე ისაუბრა სასტიკად მოკლულ არჩილ ტატუნაშვილისა და გაურკვეველ ვითარებაში გარდაცვლილი დავით ბაშარულის საქმეებზე. საქართველოს ხელისუფლების წარმომადგენლებმა ცხინვალის დე-ფაქტო მთავრობისგან კვლავ მოითხოვეს გამოძიებისთვის მნიშვნელოვანი ინფორმაციების გადმოცემა და არჩილ ტატუნაშვილის მკვლელობის საქმეში დამნაშავე პირების გამოვლენა და დასჯა.


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC