14:19, Sunday, 25.08.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ახალდაბის მოსახლეობამ საავტომობილო გზა გადაკეტა

28.06.2019

 
ლადო ბიჭაშვილი, შიდა ქართლი

27 ივნისს, გორის მუნიციპალიტეტის სოფელ ახალდაბაში მცხოვრებლებმა, ახალდაბა - ნიქოზის დამაკავშირებელი საავტომობილო გზა გადაკეტეს. აქციის მონაწილეების განცხადებით, პროტესტის აღნიშნულ ფორმას მას შემდეგ მიმართეს, რაც ხელისუფლების მხრიდან სოფელში არსებული პრობლემების მოგვარების იმედი ამოეწურათ.

როგორც ადგილობრივები აცხადებენ, მათ სასმელი წყლის პრობლემა აქვთ და უამინდობის დროს ქუჩაში წამოსული ნიაღვარით ეზოები და სახლები ეტბორებათ.

,,არაერთხელ მივმართეთ ხელისუფლებას აღნიშნული პრობლემების მოსაგვარებლად, მოდიან წინასაარჩევნოდ, გვპირდებიან, რომ ყველაფერი კარგად იქნება, თუმცა არჩევნების შემდეგ აღარ ვახსენდებით. დღეს იძულებული ვიყავით, გზა გადაგვეკეტა და ისე მიგვექცია ხელისუფლების ყურდღება. სოფელში აუტანელი პირობებში გვიწევს ცხოვრება. კვირაში ორჯერ მოგვეწოდება სასმელი წყალი, მწვანე შეფერილობის წყალს ვსვამთ. ყოველი წვიმის დროს საუბნო გზებზე ნიაღვარი მოედინება, არც ასფალტია დაგებული და არც სანიაღვრე არხებია გაკეთებული, ეს წყალი ეზოებსა და სახლებში გვივარდება", - განაცხადა აქციის ერთ-ერთმა მონაწილემ.

აქციის მონაწილეებთან შესახვედრად გორის მერის პირველი მოადგილე ერასტი ელიჯარაშვილი მივიდა, რომელიც ადგილობრივებს პრობლემების უახლოეს პერიოდში მოგვარებას დაჰპირდა.

,,სასმელ წყალთან დაკავშირებით პროექტი უკვე მზად არის და მომავალ კვირას მერია გამოაცხადებს ტენდერს. რაც შეეხება იმ პრობლემებს, რაზეც ადგილობრივები საუბრობენ, ეტაპობრივად მოაგვარებს მერიის შესაბამისი სამსახურები", - განაცხდა მერის მოადგილემ.

ახალდაბაში აქცია იმ პირობით დაიშალა, რომ ხელისუფლება მოსახლეობის მიერ დაყენებული პრობლემების მოგვარებას დაიწყებს, წინაღმდეგ შემთხვევაში, ადგილობრივების თქმით, აქციები უკვე გორში, მერიის შენობასთან გადაინაცვლებს.


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC