14:17, Thursday, 19.09.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ქარელში სკვერის ტერიტორიის იჯარით გადაცემის საკითხს პროტესტი მოჰყვა

28.06.2019

ზაზა გულიაშვილი
 
ლადო ბიჭაშვილი, შიდა ქართლი

ქარელის მუნიციპალიტეტის საკრებულოს სხდომის დღის წერიგში ცვლილება შევიდა. კერძოდ კი, სკვერის ტერიტორიაზე 100 კვ.მ ფართობის იჯარით გასხვისება მუნიციპალიტეტის მერიამ მოსახლეობის პროტესტის საფუძველზე დროებით გადაიფიქრა და საკითხი უკან გაითხოვა. ამის მიზეზი ქარელში სკვერის მიმდებარე ტერიტორიაზე მცხოვრებლების პროტესტი გახდა. მოსახლების ნაწილის განცხადებით, ქალაქს ერთადერთი გამწვანებული სკვერი აქვს და მისი იჯარით გადაცემის შემთხვევაში მოიჯარის კომერციულ ინტერესებს შეეწირება მწვანე ნარგავები.

,,ეს ერთი სკვერი გვაქვს ქალაქ ქარელში და ესეც შეიძლება, წაგვართვან. განა რა შემოსავალი უნდა მიიღონ სკვერის იჯარით გადაცემის შედეგად, ადგილობრივ ხელისუფლებას თუ ჩვენს ხმას ვერ გავაგებინებთ, ,,ქართული ოცნების" ცენტრალურ ოფისამდე ჩავალთ და ამ სკვერის გასხვისებას არ დავანებებთ", - აცხადებს ქარელში მცხოვრები ლიანა მარგიშვილი, რომელმაც სკვერის იჯარის გადაცემის წინააღმდეგ ხელმოწერები შეაგროვა და  საკრებულოს სხდომაზე მიიტანა.

ადგილობრივები იმასაც ამბობენ, რომ სკვერის ტერიტორიის იჯარით გადაცემის შემდეგ მწვანე საფარის გაჩეხვა მოხდება და იქ კომერციული ინტერესებზე მორგებული კონსტრუქციები მოეწყობა.

,,სკვერთან ახლოს ვცხოვრობ, ეს ერთადერთი სკვერი გვაქვს, ყოველდღე ბავშვები გამოგვყავს, შვილებთან და შვილიშვილებთან ვართ ამ სკვერში, რანაირად უნდა წაგვართვან, ვიღაცის კომერციულ ინტერესებს არ უნდა შესწირონ ბავშვების ინტერესი”, - აცხადებს ქარელის მცხოვრები ზაირა წიქარიშვილი.

ქარელის მუნიციპალიტეტის მერი ზაზა გულიაშვილი ამბობს, რომ მოსახლეობა შეცდომაში შეიყვანეს, რადგან მათ სკვერს არავინ არ ართმევს და არც მწვანე ნარგავების გაჩეხვა იგეგმება.

,,მოსახლეობას აქვს არასწორი ინფორმაცია, რომ, თითქოს, სკვერში ნარგავების გაჩეხვა მოხდებოდა და მის ნაცვლად კონსტრუქციები გაკეთდებოდა. ამის გათვალისწინებით,  გამოვითხოვეთ საკითხი უკან, იმ დრომდე არ მოხდება იჯარით გადაცემა, ვიდრე მოსახლეობისგან თანხმობა არ გვექნება. იმ ტერიტორიაზე, რომლის იჯარით გადაცემა იგეგმება, არც ერთი ხე და ხის ტოტიც არ მოიჭრება, იქ აპირებს მოიჯარე, ღია კაფის მოწყობას", - აცხდებს ქარელის მუნიციპალიტეტის მერი ზაზა გულიაშვილი.

ზაზა გულიაშვილის განცხადებით, ის მოსახლეობასთან ერთად დაათვალიერებს სკვერის ტერიტორიას და აუხსნის, თუ კონკრეტულად რისი გაკეთება იგეგმება. იმ შემთხვევაში, თუ მოსახლეობის ნაწილი მაინც წინააღმდეგი წავა ტერიტორიის იჯარით გადაცემაზე, ქარელის მერი ამბობს, რომ მერია მოიჯარეს ტერიტორიას აღარ გადასცემს.


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC