02:46, Sunday, 18.08.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კასპის მაჟორიტარი დეპუტატი ოპოზიციის ბრალდებას პასუხობს

17.07.2019

ირაკლი მეზურნიშვილი
 
ლადო ბიჭაშვილი, შიდა ქართლი

კასპის მაჟორიტარი დეპუტატი ირაკლი მეზურნიშვილი მოითხოვს, დაიწყოს გამოძიება, თუ როგორ აღმოჩნდა 20 ივნისს, საქართველოს პარლამენტში, პარლამენტის თავმჯდომარის სავარძელში რუსი დეპუტატი სერგეი გავრილოვი. 
კასპის მაჟორიტარი დეპუტატის დაგვიანებული რეაქცია მისი ბიუროს კარის ატოციდან წამოღებული მავთულხლართებით აჭედვამ გამოიწვია.

მეზურნიშვილს კარი ერთიანი ნაციონალური მოძრაობის წევრმა, ნუგზარ ნონიაშვილმა აუჭედა. მიზეზად კი ვიდეომასალა დაასახელა, რომელიც 20 ივნისს სასტუმრო „რედისონშია“ გადაღებული. ნონიაშვილის თქმით, სწორედ ამ შეხვედრაზე დაიგეგმა, რომ სერგეი გავრილოვს წაეყვანა კონფერენცია და ამის ორგანიზებაში ზაქარია ქუცნაშვილთან ერთად კასპის მაჟორიტარი დეპუტატი ირაკლი მეზურნიშვილიც იყო ჩართული.

„ამ შენობაში ძალიან ბევრი ადამიანი მჯდარა, შეიძლება, ისინი დიდი საქმით ვერ გამოირჩეოდნენ, მაგრამ მეზურნიშვილისგან განსხვავებით, მოღალატეები მაინც არ ყოფილან​. მეზურნიშვილმა ქუცნაშვილთან ერთად ორკესტრირებულად დაგეგმა გავრილოვის მიყვანა პარლამენტში და ამას რაც მოჰყვა მათი პასუხისმგებლობაა", -აცახადებს ნუგზარ ნონიაშვილი. 

​კასპის მაჟორიტარი დეპუტატი ირაკლი მეზურნიშვილი ოპოზიციას სიცრუის გავრცელებაში ადანაშაულებს და ამბობს, რომ ,,ერთიანი ნაციონალური მოძრაობის" მიერ გავრცელებულ ვიდეომასალაში ის რეალურად არა რუს დეპუტატებს, არამედ საბერძნეთის დელეგატებს ხვდება. 

,,გავრილოვთან შეხვედრა მე არასდროს არ მქონია და ეს არის სიცრუე, მიუხედავად იმისა, რომ მთელი გუნდი პოლიტიკურ პასუხიმგებლობას ვიღებთ იმ შეცდომაზე, რაც პარლამენტში მოხდა, პირადად მე არ ვყოფილვარ ამ ასამბლეის ორგანიზებაში ჩართული.  მართლმადიდებელი საპარლამენტთაშორისო ასამბლეის პრეზიდენტი არის ჩვენი ბერძენი კოლეგა. ვიდეოკადრებში, რეალურად, ვხვდები ბერძენ დეპუტატებს და მათ გავაცანი ჩვენი გუნდის გადაწყვეტილება, რომ ასამბლეა ვეღარ გაგრძელდებოდა და ჩაიშალა", - აცახადებს პარლამენტში კასპის მაჟორიტარი დეპუტატი ირაკლი მეზურნიშვილი.

შეგახსენებთ, რომ 20 ივნისს რუსეთის დუმის დეპუტატების თბილისში ვიზიტსა და სერგეი გავრილოვის მიერ საქართველოს პარლამენტის თავმჯდომარის სავარძლიდან მართლმადიდებლური ასამბლეას რუსულ ენაზე წაყვანას, პასუხად თბილისში საპროტესტო აქცია და საქართველოს ხელისუფლების კრიტიკა მოჰყვა.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

სიკვდილით სავსე ქალაქი
ჩაიცვით საუკეთესო ტანსაცმელი. კარგად დახედეთ ბავშვებს და ჩაეხუტეთ. მოიკითხეთ დედა. დაურეკეთ მეგობრებს. გადახედეთ სახლის საბუთებს, ხომ წესრიგშია. თქვენ მალე მოკვდებით. თქვენ მოკვდებით ავარიაში.
ვრცლად...
უგზო-უკვლოდ დაკარგულები - „არ დამივიწყო!“
კუდები გვაკვირვებს
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC