06:50, Sunday, 20.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მედიის ინსტიტუტი საზოგადოებრივი მაუწყებლის აჭარის ტელევიზიასა და რადიოში განვითარებულ მოვლენებს ეხმიანება

08.10.2019

 
მედიის ინსტიტუტი ეხმიანება საზოგადოებრივი მაუწყებლის აჭარის ტელევიზიასა და რადიოში განვითარებულ მოვლენებს და შეშფოთებას გამოთქვამს, რომ დღემდე, 5 თვის ვადაში, ვერ მოხერხდა ახალი დირექტორის არჩევა.

იმის შემდეგ, რაც მრჩეველთა საბჭოს მიერ, იმპიჩმენტით, დაკავებული თანამდებობიდან გათავისუფლდა დირექტორი, უკვე სამი კონკურსი გაიმართა და აღნიშნული თანამდებობა კვლავ ვაკანტურია. ხუთი თვეა, რაც საზოგადოებრივი მაუწყებლის აჭარის ტელევიზია და რადიო დირექტორის გარეშე აგრძელებს მაუწყებლობას, რაც შეეხება მეოთხედ გამოცხადებულ კონკურსს, იგი სასამართლოს განჩინებით შეჩერდა. ამ მოთხოვნით სასამართლოს დირექტორობის ერთ-ერთმა კანდიდატმა, გოგა კოხრეიძემ მიმართა. იგი მიიჩნევს, რომ უნდა გაუქმდეს ტელევიზიის მრჩეველთა საბჭოს სხდომის ის ოქმი, რითაც მესამე კონკურსი ჩაიშალა და გოგა კოხრეიძე უნდა გამოცხადდეს არჩეულ დირექტორად. 

აჭარის მაუწყებლის დირექტორობის მე-4 კონკურსის შეჩერებას და გიორგი კოხრეიძის მიერ სასამართლოსთვის მიმართვის ფაქტს აჭარის ტელევიზიისა და რადიოს მრჩეველთა საბჭოს თავმჯდომარე, ნატა იმედაიშვილი პროცესის ხელოვნურად გაჭიანურების მცდელობად მიიჩნევს.

მედიის ინსტიტუტი იზიარებს საზოგადოებრივი მაუწყებლის განსაკუთრებულ როლს საზოგადოების ინფორმირებაში, რაც გარანტირებულია კანონმდებლობით. კერძოდ, საქართველოს კანონის „მაუწყებლობის შესახებ“ თანახმად, საზოგადოებრივი მაუწყებლობა – საქართველოს კანონმდებლობის შესაბამისად, სახელმწიფო ქონების საფუძველზე ტელერადიომაუწყებლობისათვის შექმნილი, საჯარო დაფინანსებით მოქმედი, ხელისუფლებისაგან დამოუკიდებელი და საზოგადოების წინაშე ანგარიშვალდებული საჯარო სამართლის იურიდიული პირია, რომელიც არ ექვემდებარება არც ერთ სახელმწიფო უწყებას. მის მიერ განხორციელებული მაუწყებლობის მიზანია პოლიტიკური და კომერციული გავლენისაგან თავისუფალი, საზოგადოებრივი ინტერესების შესაბამისი, მრავალფეროვანი პროგრამების მიწოდება საზოგადოებისათვის. 

მედიის ინსტიტუტი მხარს უჭერს დამოუკიდებელი, მიუკერძოებელი     სარედაქციო  პოლიტიკის მნიშვნელობას, რითაც აქამდე გამოირჩეოდა აჭარის ტელევიზია.

მედიის ინსტიტუტი მოუწოდებს ყველა დაინტერესებულ პირს, ქმედებითა თუ უმოქმედობით ხელი არ შეუშალონ ახალი დირექტორის არჩევის პროცესს, რომელიც უნდა წარიმართოს კანონის დაცვით, გამჭვირვალედ და ობიექტურად. 

მედიის ინსტიტუტი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC