ადამიანის უფლებათა ცენტრი სამართალდამცავის მხრიდან ბავშვის მიმართ ძალის გადამეტების ფაქტს ეხმაურება

არასრულწლოვანთა მართლმსაჯულების კოდექსის თანახმად, აკრძალულია  ძალის გამოყენება არასრულწლოვნის დაკავებისას, გარდა იმ შეთხვევებისა, როდესაც არასრულწლოვნის დასაკავებლად მის მიერ თვითდაზიანების ან/და სხვებისათვის ზიანის მიყენების თავიდან ასაცილებლად, ყველა სხვა საშუალება  გამოყენებულია, მაგრამ - უშედეგოდ. აღნიშნულ ვიდეო მასალაში არ იკვეთება რომ ძალის გამოყენებამდე გამოყენებული იყო ყველა სხვა საშუალება. 

ადამიანის უფლებათა ცენტრი მოუწოდებს შინაგან საქმეთა სამინისტროს, განმარტოს: კანონის შესაბამისად მოქმედებდა თუ არა პოლიციელი, იყო თუ არა აუცილებელი ძალისმიერი მეთოდის გამოყენება და რატომ.

ადამიანის უფლებათა ცენტრს მიაჩნია, რომ ბავშვის მიმართ გამოყენებული ძალისმიერი მეთოდი დამამცირებელი და ღირსებისშემლახავი იყო. ბავშვის დაკავებისას სამართალდამცავმა უნდა იხელმძღვანელოს არასრულწლოვანთა მართლმსაჯულების კოდექსით.

ადამიანის უფლებათა ცენტრი