ანგარიშში ადამიანის უფლებათა ცენტრის გუნდის წევრების მიერ შეფასებულია გასულ წელს განხორციელებული აქტივობები.
2019 წლის წლიური ანგარიში ადამიანის უფლებათა ცენტრის აღმასრულებელი დირექტორის, ალეკო ცქტიშვილის შეფასებით იწყება. ანგარიშში ასევე საუბარია 2019 წელს განხორციელებული პროექტების შესახებ, ასევე - სტრატეგიული საქმეების შესახებ, რომელთა ადვოკატირება ადამიანის უფლებათა ცენტრმა გასულ წელს განახორციელა.
2019 წლის საქმიანობის ამსახველ ანგარიშში საუბარია ადგილობრივ თუ საერთაშორისო შეხვედრების შესახებ, რომლებშიც მონაწილეობა ადამიანის უფლებათა ცენტრის წარმომადგენლებმა მიიღეს. ანგარიშში წარმოდგენილია ინფორმაცია ორგანიზაციის მიერ დაგეგმილი და განხორციელებული საპროტესტო აქციების, პრესკონფერენციების, მრგავლი მაგიდების შესახებ.
უფასო იურიდიული დახმარება, უკანონო ბორდერიზაციის საკითხი, ICC-ს გამოძიების ეფექტი, პენიტენციური დაწესებულებები და მსჯავრდებულთა უფლებები, უცხოელთა ბინადრობის საკითხები - ეს იმ თემათა მცირე ჩამონათვალია, რის შესახებაც ანგარიშში დეტალურ ინფორმაციას ნახავთ.
გარდა თბილისის ოფისისა, რეგიონული ოფისების კოორდინატორები აფასებენ კახეთისა და შიდა ქართლის რეგიონებში მათი გასული წლის საქმიანობას. ანგარიშის ბოლოს კი წარმოდგენილია ფინანსური ანალიზი.