„სახელმწიფო ინსპექტორის სამსახურის საქმიანობის შეფასება“ 

25 ივნისს, 14:00 საათზე, ადამიანის უფლებათა ცენტრი სოციალურ ქსელ Zoom-ში ფილმის - „სახელმწიფო ინსპექტორის სამსახურის საქმიანობის შეფასება“ -  ჩვენებასა და დისკუსიას გამართავს. 

 ფილმში საზოგადოებრივი ორგანიზაციების წარმომადგენლები აფასებენ სახელმწიფო ინსპექტორის სამსახურის 1-წლიან მუშაობას. სახელმწიფო ინსპექტორის სამსახურის მიზნებსა და გამოწვევებზე, ასევე, საუბრობს  სამსახურის წარმომადგენელიც. 

ფილმის მიზანია, შეაფასოს დამოუკიდებელი საგამოძიებო მექანიზმის მუშაობა, თუ რა გამოწვევები არსებობდა 1 წლის მანძილზე, რა წარმატებას მიაღწია სამსახურმა და იყო თუ არა გამჭვირვალე, დროული და ობიექტური სახელმწიფო ინსპექტორის სამსახურის მიერ წარმოებული საქმეები. 

ჩვენების შემდეგ გაიმართება დისკუსია. 

ფილმი მომზადდა აშშ-ის ფონდ „ეროვნული წვლილი დემოკრატიისთვის“ (NED) ფინანსური მხარდაჭერით. მასში გამოთქმული მოსაზრებები ეკუთვნის ადამიანის უფლებათა ცენტრს და შესაძლოა, არ გამოხატავდეს დონორის პოზიციას.