01:39, Monday, 30.11.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ადამიანის უფლებათა ცენტრი ახალციხეში რეპატრირებული მესხების ოჯახის ინტერესებს იცავს

14.09.2020

 
ადამიანის უფლებათა ცენტრი იცავს ახალციხეში  მცხოვრებ ნადიმ მარდალიევის სამართლებრივ ინტერესებს. მარდალიევების ოჯახის წევრები არიან რეპატრირებული მესხები, რომლებიც  წლების წინ ჩამოვიდნენ საქართველოში საცხოვრებლად.  

2020 წლის აგვისტოს თვეში პირთა ჯგუფი თავს დაესხა ნადიმ მარდალიევის კუთვნილ ავტომობილს, რომელიც გამიზნულად დააზიანეს.  შემთხვევას ჰყავს თვითმხილველებიც. დაზარალებულის და თვითმხილველების გადმოცემით, ძალადობა ჩადენილია დისკრიმინაციული მოტივით,  რელიგიური და ეთნიკური სიძულვილის ნიადაგზე. თავდამსხმელები იძახდნენ, რომ მარდალიევებმა უნდა დატოვონ საქართველო.

ამ დროისათვის შსს-ს ახალციხის რაიონულ სამმართველოში მიმდინარეობს გამოძიება  ნადიმ მარდალიევის კუთვნილი ავტომობილის დაზიანების ფაქტზე,  სსკ-ის 187-ე მუხლის პირველი ნაწილით.

ოჯახის წევრების განცხადებით, მათ მიმართ ადგილი ჰქონდა დისკრიმინაციულ დამოკიდებულებას, რის გამოც მუდმივი საფრთხის უწევთ ცხოვრება და თავს გრძნობენ დაუცველად. 

დიდი პრობლემაა, რომ ნადიმ მარდალიევს დღემდე არა აქვს მინიჭებული დაზარალებულის სტატუსი, რის გამოც მოკლებულია შესაძლებლობას, გაეცნოს სისხლის სამართლის საქმის მასალებს და ისარგებლოს კანონით მინიჭებული გარანტიებით. 

ადამიანის უფლებათა ცენტრს მიაჩნია რომ, საქმეში შესაძლოა, იკვეთებოდეს დამამძიმებელი გარემოება, კერძოდ დისკრიმინაციული, სიძულვილის შემცველი მოტივი. 

ადამიანის უფლებათა ცენტრი მიმართავს შსს-ს სამცხე-ჯავახეთის პოლიციის დეპარტამენტის ახალციხის რაიონულ სამმართველოს, დროულად მიანიჭოს ნადიმ მარდალიევს დაზარალებულის სტატუსი, რათა ეფექტიანად იყოს დაცული ოჯახის სამარლებრივი  ინტერესები და გამოძიება წარიმართოს მიუკერძოებლად. 

ადამიანის უფლებათა ცენტრი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC