11:11, Wednesday, 01.10.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ქართული თეატრი აზერბაიჯანული წნეხის ქვეშ

28.07.2005
ქართული თეატრი აზერბაიჯანული წნეხის ქვეშ



კახის რაიონის სოფელ ალიბეგლოში განთავსებული თეატრი, რომელსაც 2005 წლის იანვარში აზერბაიჯანის პრეზიდენტის ბრძანებით, სახელმწიფო სტატუსი მიენიჭა დღესაც არ ფუნქციონირებს. დასს რეპეტიციების ჩატარების საშუალება არ ეძლევა. კულტსახლის ადმინისტრაცია და, რამდენადაც პარადოქსი არ უნდა იყოს, თეატრის სამხატრო ხელმძღვანელი მათ შენობაში შესვლის უფლებას არ აძლევენ. აზერბაიჯანისა და საქართველოს მთავრობებისაგან უყურადღებოდ დარჩენილმა თეატრის დასის წევრებმა პროტესტის უკიდურეს ზომას მიმართეს და კულტურის სახლის დირექტორს ოფელია ანდრიაშვილს კულტსახლში შესასვლელი კარი აურაზეს. დასის წევრები სოფლის მოსახლეობასთან ერთად დღეიდან საპროტესტო აქციების გამართვას იწყებენ, რათა ამ გზით მაინც მიიპყრონ კომპეტენტური ორგანოების ყურადღება და წერტილი დაესვას მათი პრობლემის მუდმივ იგნორირებას. მიუხედავად რეალობისა, საქართველოში აზერბაიჯანის საელჩოს კულტურის დეპარტამენტის უფროსი ილგარ ჯაფაროვი ჩვენთან საუბრისას ცდილობდა არსებული პრობლემის დაფარვას და უარყოფდა იმ ინფორმაციას, რომ აზერბაიჯანში ქართული თეატრი არ ფუნქციონირებს. ადამიანის უფლებათა საინფორმაციო და სადოკუმენტაციო ცენტრმა აღნიშნული პრობლემა ადგილზე შეისწავლა, სადაც პირველწყაროსაგან მიღებული ინფორმაცია და რეალური სურათი აბსოლუტურად ეწინააღმდეგება ბ-ნი ჯაფაროვის დაჟინებულ მტკიცებას.

ეგრეთ წოდებული ქართული „სახელმწიფო თეატრი“ ამ სტატუტის მიღებამდე აზერბაიჯანის სახალხო თეატრის სტატუსითა და საქართველოს დაფინანსებით ფუნქციონირებდა. მოყვარულთა წრე ჩამოყალიბდა 1980 წლიდან, ხოლო 1985 წელს მათ მიიღეს სახალხო თეატრის სტატუსი.

2000 წლამდე სანამ სახალხო თეატრის რეჟისორი და სამხატვრო ხელმძღვანელი ანზორ დოლენჯაშვილი იყო, თეატრი ყოველ სეზონზე დგავდა ახალ სპექტაკლს და ხდებოდა გასვლები არა მარტო აზერბაიჯანში რაიონის მასშტაბით, არამედ საქართველოს სხვადასხვა რეგიონებშიც კი.

მას შემდეგ კი, რაც თეატრმა მიიღო სახელმწიფო სტატუსი, თეატრმა ფუნქციონირება შეწყვიტა. საქმე იმაშია, რომ ეს კულტურის სახლთან არსებული თეატრია, ხოლო მისი დირექტორი ოფელია ანდრიაშვილი დასს თეატრში არ უშვებს. კახში  ვიზიტისას ჩვენ გავესაუბრეთ დასის წევრებს, რომლებიც არ მალავენ უკმაყოფილებას: „თეატრის დირექტორად უნდათ ოფელია ანდრიაშვილს დანიშვნა. ჩვენ კი ვითხოვთ, რომ დაინიშნოს ჩვენი დასის წევრი ლალი შიოშვილი. მას პროფესიული განათლებაც ხელს უწყობს“.

ისინი ოფელია ანდრიაშვილის კანდიდატურის წინააღმდეგ სერიოზული მიზეზებს ასახელებენ: „თეატრის კედლებზე იყო აფიშები, რომლებიც მათ ჩამოხსნეს და დახიეს; არ გვიშვებს შენობაში არც ნაილი ცოქოლაშვილი და არც ოფელია ანდრიაშვილი. ისინი წარმოდგენის გამართვის უფლებას არ გვაძლევენ. ფორმალურად, მსახიობთა დასი იგივეა, მაგრამ საბუთები   განსხვავებულია, შტატები გაბერილია“.

საქართველოდან კახში ჩასული კათალიკოს-პატრიარქის დასახვედრად თეატრის დასს, მიუხედავად დელეგაციის თხოვნისა, არ მიეცა რეპეტიციების ჩატარების საშუალება და რაიმე სპექტაკლიდან ნაწყვეტის მომზადება.

აღსანიშნავია, რომ აზერბაიჯანის კულტურის მინისტრს, ფოლად ბულ-ბულ ოღლს აგერ უკვე რამდენიმე კვირაა ამაოდ ელიან ქართული თეატრის მსახიობები. მათ იმედი აქვთ, რომ პირად შეხვედრაზე მაინც შეძლებენ  პასუხის მიღებას კულტურის მინისტრისაგან, რადგან მათი არაერთი წერილობითი მიმართვა დღემდე რეაგირების გარეშე რჩება.

თეატრის დასმა 10 ივლისს კარები აუჭედა კულტურის სახლის დირექტორს ოფელია ანდრიაშვილს. ისინი ამავე დღეს შეხვდნენ რაიონის გამგებელს, მის მოადგილეს და კულტსახლის უფროსს, რომელთაც განაცხადეს, რომ 3 თვე ვერ მოხსნიან თანამდებობიდან ოფელია ანდრიაშვილს. თუმცა, დროის  გაჭიანურების მიზეზს ვერ ხსნიან.

აზერბაიჯანში ქართული სულის შენარჩუნებით ანთებული თეატრის მსახიობები ხელისუფლებისაგან ზეწოლას არ ეგუებიან, ფარ-ხმალს არ ყრიან და ორივე ქვეყნის (აზერბაიჯანისა და საქართველოს) ხელისუფლებისაგან ერთდროულად ითხოვენ ყურადღების გამოჩენასა და მათი პრობლემების მოგვარებას. მათ წერილები გაუგზავნეს აზერბაიჯანის პრეზიდენტს ილჰამ ალიევს, საქართველოს პრეზიდენტს მიხეილ სააკაშვილსა და ორივე ქვეყნის სახალხო დამცველებს.

ეკა დათუნაშვილი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ აფასებთ თბილისის ყოფილი მერის, გიგი უგულავას დაკავებას?
დააკავეს რეალური დანაშაულისათვის, საპროცესო ნორმების დაცვით დააკავეს რელური დანაშაულისათვის, მაგრამ საპროცესო ნორმების დარღვევით დააკავეს არარეალური ბრალდებით, პოლიტიკური მოტივებით მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
"მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC