00:09, Saturday, 24.10.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მედიის თავისუფლების ხარისხის კატასტროფული ვარდნა გრძელდება

24.10.2005
კმარა ვარდნა!


მედიის თავისუფლების ხარისხის კატასტროფული ვარდნა გრძელდება

ჟურნალისტები საზღვრებს გარეშე 2005 წლის კვლევის შედეგებს აქვეყნებს. მსოფლიოს 167 ქვეყანაში ჩატარებული კვლევა აჩვენებს, რომ საქართველოში მედიის თავისუფლების ინდექსი გასულ წლებთან შედარებით საგრძნობლად დაეცა. 2003 წლიდან 73-ე ადგილიდან ქართულმა მედიამ ჯერ 94-ე, ხოლო წელს უკვე 99-ე ადგილზე დაიხია.

მაღალრეიტინგული გადაცემებისა და თავად ტელევიზიებისა თუ მრავალი გაზეთის დახურვა პოსტრევოლუციურ საქართველოში ყოველდღიურ რეალობად იქცა. ვარდების რევოლუციის შემდეგ დემოკრატიული საქართველო არაერთ პოლიტიკურ თოქ-შოუსა და დებატებს გამოემშვიდობა -  „ ღამის კურიერი“, „თემა“, „ღამის მზერა“, „არჩევანის ზღვარზე“ და ა.შ.  გადაცემებს  თავად ტელევიზიების დახურვა მოჰყვა - "იბერია", "მე-9 არხი". ყოველივე ამის შემდეგ ხელისუფლებას იერიში თავად ჟურნალისტებზეც მიაქვს. უხილავ მარწუხებში მოქცევის ამაოდ მცდელობის შემდეგ, ტელეკომპანია „202“-ის ერთ-ერთი დამფუძნებლის - რამიშვილის ბედი ხილული ბორკილებით დაბოლოვდა. ამას ემატება სამსახურიდან გათავისუფლებული არაერთი ჟურნალისტი, რომელთაც უარი თქვეს ჟურნალისტური თავისუფლების დაკარგვაზე.

ბეჭვდით მედიაშიც შემაშფოთებელი „ცვლილებებია“. დაიხურა „მთავარი გაზეთი“, „დილის გაზეთი“, „ახალი ეპოქა“, „ტრიბუნა“. „ჯორჯიან თაიმსს“ ფინანსური პოლიციის საშუალებით უპირებდნენ გასწორებას და მას ფინანსურ მაქინაციებში, გადასახადების დამალვაში, ფინანსური დოკუმენტების გაყალბებაში სდებდნენ ბრალს.

ყოველივე იმის მანიშნებელია, რომ პოსტრევოლუციური საქართველო თავისუფალ მედიაზე ზეწოლის მებაირაღე ხდება. ხელისუფლება ფარული ხელით აჩუმებს ყველას (რა თქმა უნდა, მედია ორგანიზაციის მფლობელებს არ სურთ შეიქმნან პრობლემები და ურჩევნიათ „ანგარიში“ გაუწიონ მთავრობას).
ობიექტური „სამსჯავრო“ კი ყველაფერს ვარდისფერი სათვალის გარეშე უყურებს და აფასებს ჩვენს ქვეყანაში მიმდინარე მოვლენებს და ჩვენთვის არც თუ ისე სახარბიელო განაჩენი გამოაქვს - საქართველო 99-ე საფეხურს იკავებს და დემოკრატიულ საწყისებს კვლავ შორეულ პერსპექტივაში იტოვებს. 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC