03:01, Friday, 25.04.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კასპელი ჟურნალისტი გამგებლის მოადგილეს უჩივის

15.02.2006

კასპელი ჟურნალისტი გამგებლის მოადგილეს უჩივის

2005 წლის დეკემბერში სახლისკენ მიმავალი კასპელი ჟურნალისტი ირმა კიტრიაშვილი კასპის რაიონის გამგებლის მოადგილემ, ნასვამ მდგომარეობაში მყოფმა გოგი მერებაშვილმა, საკუთარ სასადილოში სასაუბროდ შეიპატიჟა, სადაც სიტყვიერი და ფიზიკური შეურაცხყოფა მიაყენა ადგილობრივ გაზეთ “თრიალეთში”  მის საწინააღმდეგოდ გამოქვეყნებული სტატიის გამო.

როგორც ირკვევა, ჯერ კიდევ 2005 წლის ზაფხულის თვეში, გორში გამომავალ გაზეთ „თრიალეთის“  ფურცლებზე გამოქვეყნდა სტატია - „რა ქონებას მალავს კასპის რაიონის გამგებელი“, სადაც აღნიშნული იყო კასპის რაიონის გამგებლისა და მისი მოადგილეების კანონსაწინააღმდეგო ქმედებები, მათ შორის გოგი მერებაშვილისაც.

ადგილობრივი მოსახლე აცხადებდა, რომ გამუდმებული სიმთვრალის გამო, გოგი მერებაშვილი მოქალაქეებს არ იღებდა.

ირმა კიტრიაშვილი აცხადებს, რომ როდესაც იგი საღამო ხანს სამსახურიდან სახლისკენ მიდიოდა, ერთ-ერთ სასადილოსთან და ბენზინგასამართ სადგურთან, რომლებიც სხვათა შორის მერებაშვილის კუთვნილებაა, სასადილოში მთვრალმა მერებაშვილმა შეიპატიჟა სალაპარაკოდ. შესვლისთანავე (იქ ოფიციანტები და სხვა თანამშრომლებიც იყვნენ), კარებში ჩადგა და დაიწყო ხმამაღლა ყვირილი, გინება და მუქარა. ჟურნალისტს გარეთ აღარ უშვებდა და სხვების თანდასწრებით აყენებდა სიტყვიერ შეურაცხყოფას.

ირმა კიტრიაშვილი: „მეუბნებოდა, რომ რაც გორში ემართება ჟურნალისტებს, რომ სცემენ და ატერორებენ, მეც ასე დამემართებოდა კასპში. ვუხსნიდი, რომ სტატია ჩემი დაწერილი არ იყო და ეკუთვნოდა საბა წიწიკაშვილს, მაშინ ის ჩვენთან მუშაობდა მეთქი. მაგრამ მაინც ყვიროდა, რომ გორელი ჟურნალისტები კასპში მე ჩამყავს და ვაწერინებ იმ ინფორმაციებს, რაც შეიძლებოდა მე ვერ დამეწერა.“

ჟურნალისტმა განცხადება პროკურატურაში შეიტანა. პროკურატურამ ყველა ის მოწმე დაკითხა, ვისაც ჟურნალისტი უთითებდა. პროკურატურიდან მასალები სხვადასხვა ინსტანციებში, მათ შორის, კონსტიტუციური უსაფრთხოების დეპარტამენტის გორის განყოფილებაშიც გადაიგზავნა. საბოლოოდ, ჟურნალისტს მისწერეს, რომ მისი შეურაცხყოფის ფაქტზე სისხლის სამართლის საქმეს გოგი მერებაშვილის წინააღმდეგ ვერ აღძრავდნენ, რადგან არც ერთი მოწმე არ ადასტურებდა ჟურნალისტის  შეურაცხყოფას.

საინტერესოა, რომ ინციდენტის დროს გოგი მერებაშვილი შვებულებაში იმყოფებოდა.  როგორც ტელეკომპანია და გაზეთი „თრიალეთის“  დამფუძნებელი და პარლამენტარი ბადრი ნანეტაშვილი აცხადებს, მისი დაჟინებული თხოვნით, გუბერნატორმა მიხეილ ქარელმა გოგი მერებაშვილის თანამდებობიდან გათავისუფლება ბრძანა. ირმა კიტრიაშვილს მიაჩნია, რომ თუკი გოგი მერებაშვილი რწმუნებულმა მისი შეურაცყოფის გამო თანამდებობიდან გაათავისუფლა, მაშინ სამართალდამცავები რატომ არ რეაგირებენ აღნიშნულ ფაქტზე. „მაშ, რის საფუძველზე გაათავისუფლეს კასპის გამგებლის მოადგილე, თუკი ის დამნაშავე არ იყო?“  - კითხულობს ჟურნალისტი.

საბა წიწიკაშვილი გორიდან

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
თქვენი აზრით, ირღვევა თუ არა წინა ხელისუფლების ყოფილი მაღალჩინოსნების უფლებები?
ირღვევა არ ირღვევა არა ვარ ინფორმირებული მიჭირს პასუხის გაცემა

ბლოგი

მშიერი კომისიის წევრები და გაბრაზებული თავმჯდომარეები ბათუმში
არჩვენებს 2003 წლიდან ვაკვირდები. არც ერთი არჩევნები არ გამომიტოვებია, რასაც ვერ ვიტყოდი ჩემი საარჩევნო ხმის უფლების გამოყენებაზე - ყველა არჩევნებზე, იმის გამო რომ
ვრცლად...
ბეჭედი ნაკვეთურის გარეშე და ორსახელიანი ამომრჩეველი გურიაში
პირველად დამკვირვებლის სტატუსით
არქივი
    

რედაქტორის აზრი

პატიმართა მასობრივი პროტესტის მიზეზები
ბოლო ხანს მედიაში ერთ-ერთი აქტუალური თემაა პატიმართა პროტესტი გეგუთის კოლონიაში. ასობით პატიმარი პროტესტის სხვადასხვა ზომებს მიმართავს და კოლონიის დირექტორის გადაყენებას მოითხოვს. ისინი საპატიმროს
ვრცლად...
შემოდგომის ბუზი
ადამიანის უფლებათა ცენტრი მაღალჩინოსნების სასამართლო პროცესებს დააკვირდება
არქივი
თემები
კატეგორიები

Copyright © 2004 - 2014 HRIDC