02:32, Friday, 05.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სამხედრო ნაწილის მიტოვებისთვის ჯარისკაცს ასამართლებენ

11.10.2006
jari.gifსაქართველოს თავდაცვის სამინისტროს სამხედრო პოლიციის დეპარტამენტმა 25 წლის სამხედრო მოსამსახურე როლანდ ქართველიშვილის წინააღმდეგ სს საქმე აღძრა. მას სსკ-ის 388 მუხლის მე-3 ნაწილით სამხედრო ნაწილის თვითნებურად მიტოვებისთვისთვის 2 წლიანი უმუშევრობა ან 3 წლიანი პატიმრობა ემუქრება.

ქართველიშვილი ამტკიცებს, რომ სამხედრო ნაწილში მას არაადამიანურად მოექცნენ, რომ მას ნაწილი თვითნებურად არ მიუტოვებია და საკუთარი სიმართლის დასამტკიცებლად დახმარებას ითხოვს. მან კონსულტაციისთვის „ადამიანის უფლებათა საინფორმაციო და სადოკუმენტაციო ცენტრს“ მიმართა და ყველა ის დოკუმენტაცია წარუდგინა, რომელიც მის უდანაშაულობას ადასტურებს.

როლანდ ქართველიშვილი რუსთავში ცხოვრობს. 1999 წლიდან 2006 წლადე სამხედრო სამსახურში მსახურობს და გავლილი აქვს არაერთი სამხედრო პროგრამა. მათ შორის ქართულ ამერიკული „წვრთნისა და აღჭურვის პროგრამა“ და საქართველო-აშშ-დიდი ბრიტანეთის ერთობლივი სამშვიდობო ოპერაციების საწვრთნელი მომზადება „რუხი მგელი“. 2005 წლის 10 სექტემბრიდან 2006 წლის აპრილამდე ერაყის სამშვიდობო ოპერაციებში ღებულობდა მონაწილეობას. საქართველოში დაბრუნების შემდეგ კი ვაზიანის სამხედრო ბაზაზე მსახურობდა.

რაც შეეხება პრობლემას, ოჯახური მდგომარეობის გამო ქართველიშვილი იძულებული გახდა, ასმეთაურის მოადგილისთვის დროებით გათავისუფლება ეთხოვა. 26 მაისს მისცეს სამდღიანი შვებულება 29 მაისამდე. თუმცა ნაწილში დაბრუნება დროზე ვერ შეძლო. როგორც თავად ამბობს, ამის მიზეზი დედის ავადმყოფობა გახდა:

„ჩემი ძმა რუსეთში მიდიოდა სამუშაოდ. სახლში რჩებოდა ღრმად მოხუცებული ბებია და ფსიქიურად დაავადებული დედა. ამიტომ, გადავწყვიტე, მსახური სახლთან ახლოს გამეგრძელებინა და სამხედრო ნაწილის ხელმძღვანელობას სხვა ნაწილში გადასვლასთან დაკავშირებით წერილი მივწერე. უარი მივიღე. ოჯახური პრობლემების გამო დისლოკაციის ადგილზე 1 ივლისს ჩავედი. დავასახელე დაგვიანების მიზეზიც, თუმცა 25 დღე-ღამე ჰაუტვახტში მომათავსეს. ამის შემდეგ ორფოლოს პოლიგონზე სწავლება „კავკასიონი-2006“-ში მივიღე მონაწილეობა. ბოლოს კი სენაკში ასეულის მეთაურს გიორგი მეშველიანს პატაკით მივმართე, ოჯახური მდგომარეობოს გამო შეიარაღებული ძალებიდან დავეთხოვე. მათ მითხრეს, რომ ჩემი ოჯახური პრობლემები დამესახელებინა. როცა ყველაფერი მოისმინა, მითხრა, რომ პატაკს არ მიკმაყოფილებდა და შვებულებამდე მომეცადა. რადგან ოჯახური მდგომარეობა გართულებული მქონდა, იძულებული გავხდი, ნაწილი მიმეტოვებინა.“       

აღნიშნულის გამო მის წინააღმდეგ სს საქმე აღიძრა. ქართველიშვილის გააჩნია ყველა სათანადო დოკუმენტი (ცნობა, რომ დედა ფსიქიურად დაავადებულია, რომ ჰყავს უმწეო ბებია და მარჩენალი არ გააჩნია) რომელის მის ოჯახურ მდგომარეობას ასახავს, თუმცა, უშედეგოდ. ის შეიარაღებული ძალებიდან ისე დაითხოვეს, რომ სამანდატო კომისიის სხდომას არ დაასწრეს.  

მართალია, მან ადვოკატი აიყვანა და საკუთარი უფლებების დასაცავად იბრძვის, თუმცა როგორც თავად ამბობს, სამართლიანი გამოძიების იმედი არა აქვს და საერთაშორისო ორგანიზაციების დახმარებას ელის. 
 

ეკა გულუა 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC