09:35, Sunday, 07.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ჩეჩენი ლტოლვილის ქართულ ჯარში ძალით წაყვანისთვის სს საქმე აღიძრა

17.10.2006
gazvwva.jpgსაქართველოში მცხოვრები ჩეჩენი ეროვნების მოქალაქის ჯარში იძულებით წაყვანისთვის შესაძლოა სამხედრო კომისარი და სოფელ ჯოყოლოს საკრებულოს თავმჯდომარე დააპატიმრონ. ვახიდ ბორჩაშვილი სამხედრო სამსახურიდან არასამთავრობო ორგანიზაციების ჩარევით 2 თვის შემდეგ გამოუშვეს, მისი ოჯახი კი საქმის ბოლომდე მიყვანას და დამნაშავის დასჯას ითხოვს.  
შემთხვევა 2006 წლის 9 სექტემბერს ახმეტის რაიონში მოხდა. დაახლოებით დილის  6 საათზე საპატრულო პოლიციის დუისის ქვეგანყოფილების თანამშრომლებმა ჩეჩენი ლტოლვილი ვახიდ ბორჩაშვილი სახლიდან ძალით გამოათრიეს და რაიონის სამხედრო კომისარიატში წაიყვანეს.
 
მას შემდეგ ვახიდ ბორჩაშვილის მამა ვალიკო ბორჩაშვილი შვილის სახლში დაბრუნებას ითხოვდა. მან დახმარებისთვის „ადამიანის უფლებათა საინფორმაციო და სადოკუმენტაციო ცენტრს“ მიმართა. ცენტრის ადვოკატმა დავით მანაგაძემ კანონმდებლობის შესაბამისად აღნიშნული შემთხვევა შეისწავლა და უამრავი დარღვევა აღმოაჩინა (დაწვრილებით იხ.. http://www.humanrights.ge/geo/articles.php?tbl=articles&id=414)

ცენტრმა და ბორჩაშვილის მამამ აღნიშნულ შემთხვევასთან დაკავშირებით, გენერალურ პროკურატურასა და თავდაცვის სამინისტროს გენერალურ ინსპექციას წერილით მიმართა, სადაც აღწერილია ყველა წვრილმანი და თან ერთვის დოკუმენტაცია. აღნიშნულის შედეგად საქმეზე წინასწარი გამოძიება დაიწყო. უკანონოდ გაწვეული ვახიდ ბორჩაშვილი კი სამხედრო სამსახურისგან გაათავისუფლეს.

დაზარალებული მხარე კანონდარღვევისთვის სამხედრო კომისარიატის წინააღმდეგ სათანადო ღონისძებების გატარებას და სს დამნაშავეების დასჯას ითხოვს. როგორც დავით მანაგაძე ამბობს,  ბორჩაშვილი სამხედრო ნაწილიდან 5 ოქტომბერს გამოუშვეს და მიზეზად სამედიცინო კომისიის დასკვნა დაასახელეს, რომელმაც ის სამხედრო სამსახურისთვის უვარგისად ჩათვალა: "კომისიამ გაითვალისწინა თუ არა, რომ ის უკანონოდ იყო გაწვეული თუ ფიზიკური მდგომარეობის გამო დაიწუნა, ვერ გეტყვით."       

„ადამიანის უფლებათა ცენტრის“ ჟურნალისტი  სამხედრო პოლიციის იმ გამომძიებელსაც დაუკავშირდა, ვინც აღნიშნულ საქმეზე მუშაობს. გამომძიებელ რობინზონ ნუროშვილის თქმით: "აღნიშნულ საქმესთან დაკავშირებით, ახმეტაში ვიმყოფებოდი და ყველა საჭირო საგამოძიები პროცედურა ჩავატარე. ვალიკოც (დაზარალებულის მამა) დავკითხე და სხვებიც. სს საქმე აღძრულია სს კოდექსის 362-ე მუხლით, რაც ყალბი დოკუმენტის დამზადებას გულისხმობს. უნდა გაირკვეს, ყალბი მოწმობა ვინ დაამზადა, რატომ დაამზადა, კომისარიატმა ის რატომ გამოიყენა და რატომ მოხდა გაწვევა ყალბი დოკუმენტის საფუძველზე. საკმაოდ დიდი საქმეა და დრო გვჭირდება.“

დანაშაულის დამტკიცების შემთხვევაში, დოკუმენტაციის გამყალბებლებსა და მის გამომყენებელს ჯარიმა ან სამწლიანი პატიმრობა ემუქრება.  

ეკა გულუა

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC