00:40, Saturday, 20.12.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

უფლისციხეში ტურისტები სიბნელეში ,,იკარგებიან’’

02.08.2007
ufliscixeb.jpg

უფლისციხეში  ტურისტების ბუმია. სიცხის გამო მათ უმრავლესობას ძეგლის მონახულება საღამოს საათებში ურჩევნია, მაგრამ  ისტორიული ძეგლის მიმდებარე ტერიტორია ჩაბნელებულია. სად წავიდა ჯერ კიდევ  შემოდგომაზე თბილისიდან გორში ჩატანილი 80 ლამპიონი, არავინ იცის. კითხვები ზაფხულის დადგომის და ტურისტების მომრავლებული ვიზიტების შემდეგ გაჩნდა, როდესაც  ტურისტებს ძეგლის დათვალიერების პრობლემა შეექმნათ.

უფლისციხის მუზეუმში აცხადებენ, რომ  მათ დაყენებას ხელისუფლება დიდი ხანია აპირებს. როგორც უფლისციხის მუზეუმის დირექტორი ზურაბ სადაღაშვილი აცხადებს, ჯერ კიდევ შარშან მხარის გუბერნატორმა მისი თანდასწრებით ,,ვიღაცას" დაურეკა, რათა მუზეუმში თბილისიდან უკვე ჩამოტანილი დაახლოებით 80 ლამპიონი  დროულად დამონტაჟებულიყო. ,,ვის დაურეკა და შემდეგ სად გაქრა ეს ლამპიონები, ჩემთვის ცნობილი არ არის.  ჩვენთვის არავის დაუვალებია, რომ ამ საკითხისთვის მიგვეხედა", - ამბობს მუზეუმის დირექტორი.

სოფლის საკრებულოს ყოფილი გამგებელი დავით ალექსიძე აცხადებს,  რომ მას თბილისის მერიის კეთილმოწყობის სამსახურის ხელმძღვანელმა  კობა სუბელიანმა უფლისციხისთვის 80-მდე ძვირადღირებული ლამპიონი გაატანა. გამგებელმა ლამპიონები ჯერ სოფელში ჩაიტანა, მაგრამ გორის გამგეობიდან მალევე მიიღო ახალი დავალება, რომ ისინი კვლავ გორში დაებრუნებინა, რადგან მათი  გურამიშვილის ქუჩაზე დამონტაჟება იყო დაგეგმილი. გამგებელს ისიც უთხრეს, რომ უფლისციხისთვის გარეგანათებას მოვიანებით ჩაიტანდნენ დედაქალაქიდან.

კითხვები აღარ გაჩნდებოდა, რომ არა გორის კეთილმოწყობის სამსახურის უფროსის მოადგილის, მალხაზ ლალობაშვილის კომენტარი, რომლებიც არ ადასტურებს ინფორმაციას იმის შესახებ, რომ უფლისციხისთვის გამოყოფილი ლამპიონები გორში დაამონტაჟეს:

,,როგორც მე მახსოვს, გორში გურამიშვილის ქუჩაზე ახალი ლამპიონები არ დაყენებულა, იქ უბრალოდ ძველი ლამპიონები მოიყვანეს წესრიგში", - ამბობს  ის.

არც ერთ აღნიშნულ სტრუქტურაში არანაირი დოკუმენტი,რომელიც კითხვებზე პასუხს გასცემდა,  მაგალითად, მიღება-ჩაბარების აქტი,  არ არსებობს. როდესაც გაზაფხულზე გორის ციხის გარეგანათება გაიძარცვა, საკრებულოს თავმჯდომარემ, მარლენ ნადირაძემ ჟურნალისტებთან საუბარში აღნიშნა, რომ თითო ლამპიონის ფასი 70 ევრო იყო. ამჯერად კი ამ ფასის 80 ლამპიონის ბედია გაურკვეველი.

თბილისის მერიის გარეგანათების სამსახურის წარმომადგენელი ნუგზარ კალაძე ამბობს, რომ ნათურები გორში მართლაც გაიგზავნა, ოღონდ ზამთარში, მაგრამ სად დამონტაჟდა ისინი ან თუ დამონტაჟდა საერთოდ, ამის შესახებ მას ინფორმაცია არა აქვს.

სიტუაციას ისიც ამძიმებს, რომ ტურისტები, რომლებიც უფლისციხის მონახულებაში 10 ლარს იხდიან, იქვე, მიმდებარე ტერიტორიაზე შლიან კარვებს და რჩებიან. წინა კვირას ამ ადგილებში ფოცხვერმა უფლისციხის მკვიდრი ადუაშვილების ოჯახის ვირი დაგლიჯა. ასე რომ, სიბნელე უფლისციხეში დისკომფორტს მხოლოდ ისტორიული ძეგლის დათვალიერების თვალსაზრისით კი არ ქმნის, არამედ მათ სიცოცხლეს უქმნის საფრთხეს.


საბა წიწიკაშვილი, გორი

 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
თავდაცვის სამინისტროს მაღალჩინოსნების დაკავება არის:
კორუფციასთან და სამოხელეო დანაშაულთან ბრძოლა ბრძოლა ევროატლანტიკური კურსის წინააღმდეგ პოლიტიკური დევნა მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
"მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC