02:55, Wednesday, 22.10.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სახელმწიფო ენის არმცოდნე სკოლის დირექტორად ინიშნება

22.08.2007
ახალქალაქის მეორე რუსულ საჯარო სკოლაში დირექტორის დანიშვნას ცხარე კამათი და დაპირისპირება მოჰყვა. დირექტორის ადგილი რაიონის დეპუტატის მეუღლეს - ტესტირებაზე ჩაჭრილ კანდიდატს ხვდა წილად.

,,ძალა აღმართს ხნავს,  რადგან ფული არ გვაქვს და რადგან ჩვენი მეუღლეები თანამდებობის პირები არ არიან, შეუძლიათ ყველაფერი გვაკადრონ?“ - ეს ფრაზა გაისმოდა 21 აგვისტოს ახალქალაქში რუსული საჯარო სკოლის ეზოში თავმოყრილი პედაგოგების მხრიდან. ისინი განათლების მინისტრის კახა ლომაიას გადაწყვეტილებას აპროტესტებდნენ, რომლის მიხედვითაც პარლამენტარ ენძელ მკოიანის მეუღლე კარინა ნახატაკიანი მეორე რუსული საჯარო სკოლის დირექტორად დაინიშნა. 

მეორე რუსულ საჯარო სკოლაში ოთხი დირექტორობის კანდიდატი იყო წარდგენილი. მარინე ჩუმარიანი, კარინა ნახატაკიანი, სოსო თეთვაძე და ეკა თათეშვილი. ეკა თათეშვილი იმ ოც პროცენტიან კანდიდატებს შორის მოხვდა, რომლებსაც სკოლის არჩევის საშუალება ჰქონდა, მაგრამ საბჭოს წევრების მხარდაჭერა ვერ მოიპოვა, სოსო თეთვაძემ კი სამეურვეო საბჭოს წევრებისაგან ექვსი ხმა მიიღო. ჩუმარიანი და ნახატაკიანი კი დირექტორობის კანდიდატობიდან  ერთი და იგივე მიზეზის გამო გამოირიცხნენ - ისინი სახელმწიფო ენას ვერ ფლობდნენ.

სკოლის პედ - კოლექტივი აცხადებს, რომ კარინა ნახატაკიანი ქართულ ენას ვერ ფლობს  და სწორედ ამის გამო მან ტესტირება ვერ გაიარა.

,,მეც ვიყავი ტესტირებაზე და სახელმწიფო ენის არცოდნის გამო ჩავიჭერი. ჩემთან ერთად იმავე გამოცდაზე ჩაიჭრა ახლანდელი სკოლის დირექტორიც. გუშინ საღამოს კი გავიგე, რომ მინისტრის ბრძანების მიხედვით ჩაჭრილი კანდიდატი სკოლის დირექტორად არის დანიშნული,“ - აღშფოთებით საუბრობს დირექტორობის კანდიდატი მარინე ჩუმარიანი.

სამეურვეო საბჭოს წევრები აცხადებენ, რომ მათ სასურველი კანდიდატი ჰყავთ, რომელიც სკოლაში ლოტოტრონის საშუალებით მოხვდა, თუმცა, დეპუტატის მეუღლის მხრიდან დაშინებებისა და ზეწოლის გამო, სამეურვეო საბჭოს წევრებმა სოსო თეთვაძეს ხმა ვერ მისცეს.  

,,ჩვენ გვყავს კანდიდატი სოსო თეთვაძე, ძალიან კარგი პიროვნება. ქალბატონი ნახატაკიანი დადიაოდა და  აშინებდა სამეურვეო საბჭოს წევრებს ხმა არ მიეცათ ქართველისთვის. ქართველის ადგილი ჩვენს სკოლაში არ არისო, ამბობდა ნახატაკიანი. ის პირადად  ჩემთან მოვიდა, შეურახცხყოფა მომაყენა და დამემუქრა. რა თქმა უნდა, არ შემშინებია, მაგრამ სხვებს ეშინიათ და ხმას ვერ იღებენ, რადგან შვილები და ქმრები ჰყავთ დასაქმებულები, ამიტომაც  პროვოკაციას წამოეგნენ და სოსო თეთვაძეს ხმა არ მისცეს“, - აცხადებს პედაგოგი, სამეურვეო საბჭოს წევრი ანაიდა ასატურიანი.

რადგან სამეურვეო საბჭოს მიერ ჩატარებული არჩევნების შედეგად გამარჯვებული ვერ გამოვლინდა და ხმები ექვსი - ექვსის წინააღმდეგ თანაბრად გადანაწილდა და გარდა ამისა, არჩევნების მსვლელობისას დარღვევებიც დაფიქსირდა, სამეურვეო საბჭომ საჩივრით გენერალურ ინსპექციას მიმართა. ოფიციალურ პასუხს პედაგოგები 27 აგვისტომდე ელოდნენ, თუმცა, მოვლენები სხვაგვარად განვითარდა და გენერალური ინსპექციის პასუხს განათლების სამინისტრომ დაასწრო.

,,ბიულეტინი დანიშნული იყო, ბეჭედი მოპარული და სკოლიდან გატანილი. ბევრი დარღვევა დაფიქსირდა. საჩივრის შეტანის შემდეგ, გენერალურ ინსპექციაში განგვიცხადეს, რომ ყველაფერს გაარკვევდნენ. პასუხი გენერალური ინსპექციიდან ჯერ არ მოსულა. მაგრამ დირექტორი უკვე დანიშნეს. საინტერესოა, ეს როგორ მოხდა“?  - კითხულობს მეორე რუსული საჯარო სკოლის დირექტორის მოვალეობის შემსრულებელი  იზაბელა კაზარიანი.

განათლებისა და მეცნიერების სამინისტროს საზოგადოებასთან ურთიერთობის სამსახურის უფროსი მაია ჩანქსელიანი მომხდარ ფაქტზე ასეთ კომენტარს აკეთებს: ,,დირექტორების არჩევამდე, დირექტორი მოვალეობის შემსრულებლად ინიშნება და ეს პროცესი კანონთან შესაბამისობაში ხორციელდება. თუ ვინმეს ამასთან დაკავშირებით პრეტენზია აქვს, განათლებისა და მეცნიერების სამინისტროს წერილობით უნდა მიმართოს“.

ახალქალაქის რესურს - ცენტრის ხელმძღვანელი ნარცის კარაპეტიანი აცხადებს, რომ დარვევებს ადგილი არ ჰქონია და მიაჩნია, რომ ახლადდანიშნული დირექტორი შესაფერისი კანდიდატია.

წამოყენებულ ბრალდებებს უარყოფს კარინა ნახატაკიანი: ,,არავითარ დაშინებებს და მუქარებს ჩემი მხრიდან ადგილი არ ჰქონია, ეს ტყუილია. მინისტრის გადაწყვეტილებაზე კი ვერაფერს გეტყვით“, - აცხადებს ის. 

მეორე რუსული საჯარო სკოლის  პედაგოგები აცხადებენ, რომ ახლადდანიშნულ დირექტორს გასაღებსა და ბეჭედს არ გადასცემენ და სიმართლის დასამტკიცებლად პრეზიდენტთან ჩავლენ.

ბეჭედი და გასაღები, როგორც ჩვენთვის გახდა ცნობილი, ახალქალაქის პოლიციის უფროსთან სამველ პეტროსიანთან ინახება, თუმცა, მან ამის შესახებ კომენტარის გაკეთებისაგან თავი შეიკავა.

გულო კოხოძე, ახალქალაქი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ აფასებთ თბილისის ყოფილი მერის, გიგი უგულავას დაკავებას?
დააკავეს რეალური დანაშაულისათვის, საპროცესო ნორმების დაცვით დააკავეს რელური დანაშაულისათვის, მაგრამ საპროცესო ნორმების დარღვევით დააკავეს არარეალური ბრალდებით, პოლიტიკური მოტივებით მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
"მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC