05:43, Sunday, 05.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ორთუბანის ოს მოსახლეობას დენი 16 წელია არა აქვთ

11.10.2007
ქარელის რაიონის სოფელ ორთუბანის მოსახლეობა ელექტროენერგიას ითხოვს. აქ ძირითადად ოსი ეროვნების 21 კომლი ცხოვრობს. ,,ადამიანის უფლებათა ცენტრის“ შიდა ქართლის ოფისმა სოფელ ორთუბანში მაცხოვრებელი მოსახლეობის წერილი მიიღო.

ლეილა ძარიტაევა, ნინა ფილიევი, ზარინა ფილიევი, მაყვალა ჯაგიევი და ევრონა ელბაქიძე ელექტროენერგიის უქონლობას უჩივიან. ამ სოფელში კომუნისტების შემდეგ ელექტროენერგია არ გაუყვანიათ. სოფლის მაცხოვრებელი ნონა დემეტრაშვილი აღნიშნავს, რომ მიუხედავად იმისა, რომ სოფლის ელექტროფიკაციისთვის დიდი თანხები გამოიყო, სოფელს ელექტროენერგია მაინც არ მიეწოდება:

,,ჩვენი სოფელი მაღალმთიან ზონას მიეკუთვნება და მკაცრი ზამთრით გამოირჩევა. ოქტომბრიდან ტემპერატურის მკვეთრი დაცემა იწყება. ამის გამო იძულებულები ვართ, ზამთრის თვეები ქალაქში, ნათესავებთან გავატაროთ. 2007 წლის თებერვალში სს ,,ენერგო-პრო ჯორჯია“ შიდა ქართლის ფილიალმა ჩვენს სოფელში ელექტრო გამრიცხველიანება ამ საქმისათის მიღებული სპეციალური გრანტის ხარჯზე მოახდინა. იმ მიზეზით, რომ თითქოს ჩვენ, წერილის ხელის მომწერები ზამთარში იქ არ ვცხოვრობთ, ჩვენი დასახლების უბანში ელექტროფიკაცია არ მოხდა. რამდენჯერმე ამ საკითხთან დაკავშირებით ქარელის ელქსელების ინჟინერს ზვიად არხოზაშვილს მივმართეთ, რაზედაც მან განაცხადა, თავად მოგვეჭრა ,,ლატნები“ და საკუთარი ძალებით გაგვეყვანა დარჩენილ მონაკვეთზე ელექტროენერგია. ჩვენი აზრით, მისი მხრიდან მსგავსი შემოთავაზება არის, ჩვენი, როგორც ოსი ეროვნების მოსახლეობის აბუჩად აგდება, დაცინვა და კონსტიტუციური უფლებების დარღვევა“, - გვწერენ ორთუბნის მაცხოვრებლები.

ჩვენ დავუკავშირდით ქარელის რაიონის ენერგოკომპანიის წარმომადგენელს ზვიად არხოზაშვილს, რომელმაც გვითხრა, რომ სოფელში ახალ-ახალი მაცხოვრებლები ჩადიან და იმათთვის ელექტროენერგიის გასაყვანი ხაზები და სახსრები არ გააჩნიათ.

სამაგიეროდ ,,ენერგო პრო ჯორჯიას“ შიდა ქართლის ფილიალის პრესსამსახურში ირწმუნებიან, რომ ორთუბანში ყველაფერი კარგად არის და გვპირდებიან, რომ დარჩენილი ხუთი ოჯახი თვის ბოლოს ელექტროენერგიას მიიღებს.

გიორგი ბალახაშვილი (პრესცენტრის ხელმძღვანელი): ს.ს. „ენერგო-პრო ჯორჯიას” შიდა ქართლის ფილიალმა სოფელ ორთუბნის ახალი მაცხოვრებლების წერილობითი განცხადების საფუძველზე, რომლებიც ელ.ენერგიის მიწოდებას ითხოვდნენ, მოსამზადებელი სამუშაოები დაიწყო. ქარელის რაიონის სამი სოფლის ორთუბანის, კრობანის და კდუს ელექტროენერგიით მომარაგებისთვის მიმდინარე წლის იანვრის თვეში ს.ს. „საქართველოს გაერთიანებული სადისტრიბუციო ენერგოკომპანიის” დაკვეთით, კონტრაქტორმა ორგანიზაციამ ელექტრო გადამცემი სისტემის მშენებლობა დაიწყო, დამონტაჟდა 3 სატრანსფორმატორო პუნქტი, დაიდგა 60 საყრდენი ბოძი. აღნიშნული სამუშაოები 2007 წლის მარტის თვეში დასრულდა და 15 წლიანი უშუქობის შემდეგ, მოსახლეობამ (ჯამში 80 კომლი) ელექტროენერგია მიიღო.

აღსანიშნავია, რომ სოფელ ორთუბნის 45 აბონენტის გარდა, სოფელში დღემდე არის მიტოვებული საცხოვრებელი სახლები, სადაც იმ დროისთვის სადენების გაყვანა არ მოხდა. თუმცა, მიმდინარე წლის 24 სექტემბერს ქარელის მომსახურების ცენტრს განცხადებით მიმართა ხუთმა ოჯახმა, რომლებიც სოფელ ორთუბანში დასახლებას აპირებენ და ელექტროენერგიის მიწოდება ითხოვეს, რის შემდეგაც „ენერგო-პრო ჯორჯიას“ შიდა ქართლის ფილიალმა დაუყოვნებლივ მოსამზადებელი სამუშაოები დაიწყო და მიმდინარე თვის ბოლოს ორთუბნის 5 ოჯახი ელექტროენერგიას მიიღებს“.

საბა წიწიკაშვილი გორი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC