01:23, Wednesday, 24.09.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

დარღვევების ნაკადი არ კრებულობს (ნაწილი II)

09.01.2008
კოალიცია დემოკრატიისთვის სადამკვირვებლო შტაბის მონაცემები

12:20 - ,,კონსტიტუციურ უფლებათა დაცვის ცენტრის” დამკვირვებელთა კოორდინატორის ნინო შავდათუაშვილის ინფორმაციით გორის საარჩევნო ოლქის #48 საარჩევნო უბანზე (სოფ. კარალეთი) დარღვეული იყო მარკირების პროცესი. ამომრჩევლებს არ უკეთებდნენ მარკირებას. დამკვირვებელმა შეადგინა საჩივარი ჩანაწერთა წიგნში. ამის გამო დროებით შეჩერებულ იქნა საარჩევნო პროცესი.

12:45 - ,,კონსტიტუციურ უფლებათა დაცვის ცენტრის” დამკვირვებელთა კოორდინატორის ნინო შავდათუაშვილის ინფორმაციით, გორის საარჩევნო ოლქის #24 საარჩევნო უბანზე საარჩევნო ყუთში თავიდანვე არ იყო ჩაგდებული საკონტროლო ფურცელი.

13:00 – ,,ასოციაცია მომავლის იმედის” დამკვირვებლის ქეთევან ზაქარაიას ინფორმაციით, საბურთალოს ოლქის #72 საარჩევნო უბანზე აღმოჩნდა 1342 დანიშნული ბიულეტენი. მოხდა რეაგირება დაკვირვებლების,  კომისიის წევრების მხრიდან.

13:55 – ,,ასოციაცია მომავლის იმედის” დამკვირვებლის ქეთი კაცაძის ინფორმაციით, სამტრედიის საარჩევნო ოლქის #1 საარჩევნო უბანზე არ არსებობს წითელი კონვერტები (დამატებითი სიებისთვის). დამკვირვებლის შენიშვნაზე საოლქო კომისიის თავმჯდომარის პასუხი იყო ის, რომ  კონვერტები არ ჩამოვიდა თბილისიდან.

13:22 - ,,ასოციაცია მომავლის იმედის“ დამკვირვებლის ინფორმაციით, საბურთალოს საარჩევნო ოლქის #37 საარჩევნო უბანზე ამომრჩეველთა სიებში შეყვანილია 1998 წელს გარდაცვლილი 2 პიროვნება (თეიმურაზ ჩოკაშვილი და გუცაევი). ჩანაწერი გაკეთდა საჩივრის წიგნში.

13:55 - ,,ასოციაცია მომავლის იმედის“ დამკვირვებლის ინფორმაციით, სამტრედიის საარჩევნო ოლქის #3 საარჩევნო უბანზე დევნილების რეგისტრაცია არ ხდება მიუხედავად იმისა, რომ მათ წარმოადგინეს დევნილის მოწმობები. 

14:00 - ,,ასოციაცია მომავლის იმედის“ დამკვირვებლის ინფორმაციით, სამგორის საარჩევნო ოლქის #8 უბანზე ფორმიანი პოლიციის თანამშრომელი აწარმოებდა მარკირებას.

14.05 - ,,ასოციაცია მომავლის იმედის“ დამკვირვებლის ნინო სვანიძის ინფორმაციით,  #9 საარჩევნო ოლქის #74-ე უბანზე დაფიქსირდა შემდეგი დარღვევები:
- 5 რეგისტრატორზე გამოყოფილია 4 მარკირების სითხე ;
- არეულია სარეგისტრაციო ბეჭდები ;
- უბანში მიმდინარეობს ერთ-ერთი საპრეზიდენტო კანდიდატის – მ.სააკაშვილის მხარდამჭერების მიერ ვიზუალური აგიტაცია (ქუდები, კაშნები, სამკერდე ნიშნები);
- უბანზე ერთდროულად იმყოფებოდა საპრეზიდენტო კანდიდატის – მ.სააკაშვილის 2 დამკვირვებელი.

14:20 - ,,ასოციაცია მომავლის იმედის“ დამკვირვებლის ქეთი ქურციკიძის ინფორმაციით, ვაკის საარჩევნო ოლქის # 64 საარჩევნო უბანზე მარკირების პროცესი შეჩერებულია აპარატის გაუმართაობის გამო. შეაჩერეს კენჭისყრის პროცესი. 

15.00 ,,საქართველო ჩემი სამშობლოას“ წარმომადგენლის ალი ბაბაევის ინფორმაციით, გარდაბნის საარჩევნი ოლქის #1 საარჩევნო უნაბზე მიკროავტობუსებით მიყავთ მოსახლეობა, ეწევიან საარჩევნო აგიტაციას.

15.00 - ,,საქართველო ჩემი სამშობლოა“ წარმომადგენლის ალი ბაბაევის ინფორმაციით, გარდაბნის საარჩევნი ოლქის 3 საარჩევნო უნაბზე კენჭისყრა მიმდინარეობს მარკირების გარეშე.

15.00 - ,,საქართველო ჩემი სამშობლოას“ წარმომადგენლის ალი ბაბაევის ინფორმაციით, ბოლნისის საარჩევნო ოლქის 22-ე და 52-ე საარჩევნო უბნებზე გაზრდილია ამომრჩეველთა სია, ფაქტიურ ამომარჩევემჩეველთა რაოდენობა არ აღემატება 600-ს.

15.00 - ,,საქართველო ჩემი სამშობლოას’’ წარმომადგენლის ალი ბაბაევის ინფორმაციით, მეტროპოლიტენის ყველა სადგურში გრძელდება პრეზიდენტობის კანდიდატის, მიხეილ სააკაშვილის წინასაარჩევნო კლიპების ჩვენება.

15:20 – ,,კონსტიტუციურ უფლებათა დაცვის ცენტრის“ დამკვირვებლის კახა კვაშილავას ინფორმაციით, ფოთის საარჩევნო ოლქის #13 საარჩევნო უბანზე კენჭისყრის პროცედურა მიმდინარეობდა მარკირების გარეშე. 

15:20 -  ,,კონსტიტუციურ უფლებათა დაცვის ცენტრის“ დამკვირვებლის კახა კვაშილავას ინფორმაციით ფოთის საარჩევნო ოლქის #14 საარჩევნო უბანზე რეგისტრატორი კომისიის წევრების საქმიანობას აკვირდებოდნენ მხოლოდ ნაციონალური მოძრაობის წარმომადგენლები და სხვა დამკვირვებლებს არ აძლევდნენ მათ საქმიანობაზე დაკვირვების უფლების განხორციელებას.

16:00 – ,,საზოგადოების კვლევის ცენტრის“ დამკვირვებლის კოტე ჩიკვილაძის ინფორმაციით, გლდანის საარჩევნო ოლქის #99 უბანზე შეუშვეს მარკირებული ადამიანი. მისივე ინფორმაციით, მოძრაობდა 9 მიკროავტობუსი, რომლებსაც დაყავდათ ამომრჩევლები  მათგან ცნობილია 6 მიკროავტობუსის ნომრები. მიკროავტობუსებს დაყვებოდა საპატრულო პოლიციის მანქანა #412. (მიკროავტობუსების ნომრები: NAB 987; GTO 917; RAN 758; ABG 229; LLL 852; GGG 354)

16:20 - ,,საზოგადოების კვლევის ცენტრის” დამკვირვებლის გლდანის საარჩევნო ოლქის #10 საარჩევნო უბანზე შეიმჩნევა ამომრჩეველთა ორგანიზებულო მიყვანა 2 მიკროავტობუსით და 1 მსუბუქი მანქანით (# ROO 015; MUM 894; DII 164 ).

16:30 – ,,საზოგადოებრივი კვლევის ცენტრის” დამკვირვებლის ნინო ტაბატაძის ინფორმაციით, ნაძალადევის საარჩევნო ოლქის #19 საარჩევნო უბანზე დაფიქსირდა კარუსელის ფაქტი დილის საათებში. ეს ფაქტი გაშუქდა ტელევიზიით, რამაც გამოიწვია მასზე და საია-ს დამკვირვებელზე ზეწოლის განხორციელება კომისიის  თავმჯდომარის მხრიდან: უხეში და შეურაცხმყოფელი სიტყვებით მიმართავდა ორივე დამკვირვებელს და კატეგორიულად მოითხოვდა მათი მხრიდან უბნის დატოვებას.

16:35 – ,,კონსტიტუციურ უფლებათა დაცვის ცენტრის” დამკვირვებლის ინფორმაციით, ვაკის საარჩევნო ოლქის #1 საარჩევნო უბანზე 30 ამომრჩეველი მარკირების გარეშე შეშვებულ იქნა საარჩევნო უბანში ხმის მისაცემად.


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ აფასებთ თბილისის ყოფილი მერის, გიგი უგულავას დაკავებას?
დააკავეს რეალური დანაშაულისათვის, საპროცესო ნორმების დაცვით დააკავეს რელური დანაშაულისათვის, მაგრამ საპროცესო ნორმების დარღვევით დააკავეს არარეალური ბრალდებით, პოლიტიკური მოტივებით მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
„მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC