21:25, Tuesday, 02.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

"შეფერხებული" დაპირებული ვაუჩერი

13.03.2008
გულო კოხოძე, ახალციხე

"სიღარიბის ზღვარს ქვემოთ მყოფი მოსახლეობის სოციალური დაცვის სახელმწიფო პროგრამის" ფარგლებში, ოჯახები 100 ათასამდე სარეიტინგო ქულის დაგროვების შემთხვევაში, ყოველი შვილის გაჩენისას 1000-ლარიან ვაუჩერს იღებენ. თუმცა, მათი განაღდება ჯერჯერობით ვერ ხერხდება.

"სიღარიბის ზღვარს ქვემოთ მყოფი მოსახლეობის სოციალური დაცვის სახელმწიფო პროგრამის" ფარგლებში სარეიტინგო ქულების 57 ათასამდე დაგროვების შემთხვევაში, ოჯახებს ფულადი დახმარება ეკუთვნით, 70 ათასამდე - სამედიცინო დაზღვევის პოლისი, 100 ათასამდე კი ყოველი შვილის გაჩენისას - "ღირსეული დასაწყისის ვაუჩერი", რომელიც პროგრამას 2007 წლის ბოლოს დაემატა.

ამჟამად, ახალციხის მუნიციპალიტეტში მხოლოდ 16 ოჯახია, რომელთაც აღნიშნული ვაუჩერი აიღეს.

"ვისაც ასი ათასი ქულა ჰქონდა მინიჭებული და იმშობიარა, ათასლარიან ფულად დახმარებას მიიღებს. ჩვენთან უნდა მოიტანოს ბავშვის დაბადების მოწმობისა და პირადობის მოწმობის ასლები. თანხას კი "სახალხო ბანკში" აიღებს", - ამბობს სოციალური სუბსიდიების სააგენტოს ახალციხის განყოფილების უფროსი ციური მაისურაძე.

თამარ გზირიშვილმა ვაუჩერი 1 მარტს აიღო და მის გასანაღდებლად ახალციხეში არსებული ყველა ბანკი შემოიარა, მაგრამ უშედეგოდ: "სახალხო ბანკში" მითხრეს, თანხა არ არის ჩარიცხული და "სობესში" გაარკვიეთო. "სობესში" მითხრეს "პროკრედიტ ბანკში" აიღეო. "პროკრედიტ ბანკი" ხაშურს აქეთ არ არის. ალბათ, იქ მომიწევს ჩასვლა".

გაჭირვებული მოსახლეობისთვის ახალციხიდან ხაშურში ჩასვლაც პრობლემას წარმოადგენს.

,,აქედან - იქით, იქიდან - აქეთ მგზავნიან. სად აღარ მივედი. თავგზა ამებნა. ეს თუ საჩუქარი და დახმარებაა. გზაშიც ამდენი ფული მიდის და მერე კი თავს იწონებენ ვაუჩერები გავეცითო”, - ამბობს ნელი კაპანაძე.

ახალციხის ბანკებში თანხის აღება რომ ვერ მოახერხა, ციური ხითარიშვილმა, თბილისში "ბაზის ბანკს" მიმართა: "იქ მითხრეს, თანხა სამი კვირის მერე იქნებაო. ერთი თვეა, ვაუჩერი ავიღე და დავატარებ აქეთ-იქით. მაგრამ უშედეგოდ".

"სახალხო ბანკის" მმართველი დავით მოსიაშვილი ოფიციალური კომენტარის გაკეთებისაგან თავს იკავებს. თუმცა ამბობს, რომ თანხის გაცემა ბანკზე არ არის დამოკიდებული.

სოციალური სუბსიდიების სააგენტოს სამცხე-ჯავახეთის საკოორდინაციო ცენტრის უფროსის აზა ქურდაძის თქმით, თანხის გაცემა უახლოეს მომავალში დაიწყება: "ამდენ ხანსაც უნდა ჩარიცხულიყო, მაგრამ ეტყობა რაღაცამ შეაფერხა".

პროგრამა "ღირსეულ დასაწყის"-ში ჩართული ოჯახები მის გაგრძელებას ელოდებიან და ვიდრე გაირკვევა, როდის და რომელ ბანკში  ჩაირიცხება თანხა, ჩვილზე საკუთარი სახსრებით ზრუნავენ. 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC