22:42, Wednesday, 23.04.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

დროში დაკარგული საწვავის ვაუჩერი

23.04.2008
გულო კოხოძე, ახალციხე

სოფლებში ხვნა-თესვა დაიწყო, თუმცა ახალციხის მუნიციპალიტეტში საწვავის ვაუჩერი გლეხების დიდ ნაწილს ჯერ არ მიუღია. მოსახლეობის ნაწილს არც სოფლის სამინისტროს მიერ რაიონებისთვის გადმოცემული ტრაქტორებით უსარგებლია.

სიღარიბის დაძლევის 50-დღიანი პროგრამის ფარგლებში, საგაზაფხულო სამუშაოებთან დაკავშირებით, მოსახლეობას საწვავის ვაუჩერი ურიგდება.

ახალციხის მუნიციპალიტეტის გამგებლის თანაშემწის ალექსი კოსტანიშვილის თქმით, მუნიციპალიტეტში 14 945 ოჯახია, თუმცა 28 მარტს სამხარეო ადმინისტრაციამ ვაუჩერი ყველას ვერ გადასცა.

„მალე დანარჩენ ვაუჩერებსაც  მოგვცემენ. ვაუჩერის გარეშე, ძირითადად, ახალციხის მოსახლეობაა დარჩენილი“, - ამბობს ალექსი კოსტანიშვილი.

ვაუჩერების გაცემა ქალაქსა და სოფელშიც არა მიწის ნაკევეთით, არამედ კომლების მიხედვით ხდება.

ახალციხეში ვაუჩერების დარიგებას გამგეობა არ ჩქარობს, რადგან საწვავის ერთბაშად შემოტანა ვერ ხერხდება.

ამ დროისათვის, ახალციხეში, 67 785 ლიტრი დიზელის საწვავია შემოტანილი, რაც მუნიციპალიტეტისათვის გადაცემული ვაუჩერებით (13 152 ცალი) გასაცემი საწვავის 25, 76 პროცენტს შეადგენს, ხოლო 14 945 ვაუჩერით დასარიგებელი ოდენობის 22, 67 პროცენტია.

„ვაუჩერის გარეშე არცერთი ოჯახი არ დარჩება. საწვავი მასიურად შემოიზიდება და ყველა დაკმაყოფილდება“, - გვაიმედებს კოსტანიშვილი.
 
მიწათმოქმედ თამაზ გოგოლაძეს მიწა უკვე დახნული აქვს - ,,მაგათ იმედზე ხომ არ დავრჩებოდი? თავის დროზე არ დაარიგეს საწვავი და აწი რაღად მინდა? ღვინოა რომ შევინახო?”, - იუმორის გრძნობას არ კარგავს გლეხი.

2007 წლის ბოლოს ახალციხის მუნიციპალიტეტმა სოფლის მეურნეობის სამინისტროსგან საჩუქრად ოთხი ტრაქტორი, სამი გუთანი, ორი სათიბი და ერთი კულტივატორი მიიღო. ტექნიკა სიმბოლურ ფასად მუნიციპალიტეტში შექმნილ ამხანაგობას გადაეცა.

მუნიციპალიტეტის გამგებელის ვაჟა ჩიტაშვილის განცხადებით, ახალციხეში გლეხებს მიწის ნაკვეთებს უფასოდ უხნავენ. ტრაქტორისტებს ხელფასს თვეში 300 ლარის ოდენობით ადგილობრივი ხელისუფლება უნაზღაურებს.

ზიკილიელ ლენა გოგოლაძის ოჯახს ვაუჩერით საწვავი ჯერ არ აუღია, მაგრამ სოფელში ტრაქტორები რომ შემოვიდა, მიწა თავისი საწავით დაახვნევინა.

„მუნიციპალიტეტებისთვის გადასაცემი ტრაქტორების რაოდენობა სახნავ-სათესი მიწების რაოდენობის გათვალისწინებით განისაზღვრა“, - განაცხადა სოფლის მეურნეობის მინისტრის მოადგილემ ალექსანდრე ცინცაძემ 7 ნოემბერს სამხარეო ადმინისტრაციის შენობაში გამართულ შეხვედრაზე.

თუმცა 46 სოფელს, ოთხი ტრაქტორი არ ჰყოფნის. მოსახლეობის ნაწილი ტექნიკას კვლავ ქირაობს, ნაწილს საკუთარი აქვს.

„სოფელში საკუთარი ტრაქტორები გვაქვს. მე ხუთ ჰექტარ მიწას ვამუშავებ, ძირითადად კარტოფილი მომყავს“, - ამბობს გაგიკ ბაბოიანი.

„ქერის დათესვა გვიანდება, ტრაქტორებს ხომ არ დაველოდებით? ამიტომ ვქირაობთ“, - ამბობს კლდიელი შოთა კუპრაძე.

მალდინ ბაბოიანს საწვავი ჯერ არ აუღია, მაგრამ ხვნას უკვე მორჩა.

„პამაჯში „პრეზიდენტის ტრაქტორებით“ არ ხნავენ. როგორ არ გვჭირდება, მაგრამ არავინ არ მოგვცა და რა ვქნათ?“ - ამბობს 75 წლის გლეხი. 

„სოფლები - სხვილისი, წყალთბილა, პამაჯი, საძელი თავიანთი ტრაქტორებით არის უზრუნველყოფილი და მათ არც მოითხოვეს. რომელი თემიც ითხოვს, იქ ვაგზავნით“, - ამბობს ალექსი კოსტანიშვილი.

მისი განმარტებით, ოთხი ტრაქტორი საკმარისი არაა, მუნიციპალიტეტის მოსახლეობის სრულად უზრუნველყოფისათვის კიდევ ოთხი ტრაქტორია საჭირო.



Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
თქვენი აზრით, ირღვევა თუ არა წინა ხელისუფლების ყოფილი მაღალჩინოსნების უფლებები?
ირღვევა არ ირღვევა არა ვარ ინფორმირებული მიჭირს პასუხის გაცემა

ბლოგი

მშიერი კომისიის წევრები და გაბრაზებული თავმჯდომარეები ბათუმში
არჩვენებს 2003 წლიდან ვაკვირდები. არც ერთი არჩევნები არ გამომიტოვებია, რასაც ვერ ვიტყოდი ჩემი საარჩევნო ხმის უფლების გამოყენებაზე - ყველა არჩევნებზე, იმის გამო რომ
ვრცლად...
ბეჭედი ნაკვეთურის გარეშე და ორსახელიანი ამომრჩეველი გურიაში
პირველად დამკვირვებლის სტატუსით
არქივი
    

რედაქტორის აზრი

პატიმართა მასობრივი პროტესტის მიზეზები
ბოლო ხანს მედიაში ერთ-ერთი აქტუალური თემაა პატიმართა პროტესტი გეგუთის კოლონიაში. ასობით პატიმარი პროტესტის სხვადასხვა ზომებს მიმართავს და კოლონიის დირექტორის გადაყენებას მოითხოვს. ისინი საპატიმროს
ვრცლად...
შემოდგომის ბუზი
ადამიანის უფლებათა ცენტრი მაღალჩინოსნების სასამართლო პროცესებს დააკვირდება
არქივი
თემები
კატეგორიები

Copyright © 2004 - 2014 HRIDC