16:23, Tuesday, 02.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

დევნილების თანხების მითვისების ფაქტზე გამოძიება დაიწყო

10.10.2008
გელა მთივლიშვილი, კახეთი

შს სამინისტროს კონსტიტუციური უსაფრთხოების დეპარტამენტმა საომარი მოქმედებების დროს შიდა ქართლიდან დევნილების დახმარების მოტივით, კახეთში შეგროვებული დიდი ოდენობით თანხის არამიზნობრივად გახარჯვისა და მითვისების ფაქტზე გამოძიება დაიწყო. ამის შესახებ "ადამიანის უფლებათა ცენტრს" სანდო წყარომ აცნობა. კონსტიტუციური უსაფრთხოების დეპარტამენტის გამომძიებლებმა უკვე დაკითხეს რამდენიმე ბიზნესმენი, რომლებმაც დევნილების დასახმარებლად ათასობით ლარი გაიღეს.

როგორც ცნობილია, დევნილთა დახმარების მოტივით, მუნიციპალიტეტების გამგებლების მოთხოვნით, თანხები შეგროვდა სახელმწიფო და საბიუჯეტო დაფინანსებაზე მყოფ დაწესებულებებში, თუმცა მიღებული თანხების აღრიცხვა ოფიციალურად არ მომხდარა. ამასთან ერთად, რეგიონის გუბერნატორის ზეპირი განკარგულებით, რაიონებში სპეციალური შტაბებიც ჩამოყალიბდა, სადაც ადგილობრივი მეწარმეები და ფერმერები გაერთიანდნენ. თანხების შეგროვება მათაც დაევალათ, თუმცა უცნობია, რამდენი შეგროვდა და ეს თანხა ვინ და რაში გახარჯა.

აღსანიშნავია, რომ არასამთავრობო ორგანიზაცია `ადამიანის უფლებათა ცენტრმა~ განახორციელა დევნილების დახმარების პროგრამის მონიტორინგი. გამოიკვეთა, რომ ადგილობრივი გამგეობის სოციალური სამსახურის მიერ ბიზნესმენებისთვის და საბიუჯეტო დაფინანსებაზე მყოფ ორგანიზაციებში მომუშავე თანამშრომლებისთვის გამორთმეული ათიათასობით ლარი არამიზნობრივად არის გახარჯული, თანხის დიდი ნაწილის ხარჯვის შესახებ კი ინფორმაცია ამ დრომდე ხელმიუწვდომელია.

სანდო წყაროს ცნობით, რამდენიმე დღის წინ, შს კონსტიტუციური უსაფრთხოების დეპარტამენტის თანამშრომლებმა შს გურჯაანის სამმართველოს შენობაში სწორედ ამ ფაქტზე დაკითხეს შპს `გურჯაანის ნაყინის~ გენერალური დირექტორი გურამ ბერიკაშვილი, რომელიც დევნილების დასახმარებლად შექმნილ საქველმოქმედო შტაბს ხელმძღვანელობდა გურჯაანში.

თავად გურამ ბერიკაშვილი კონსტიტუციური უსაფრთხოების დეპარტამენტის წარმომადგენლების მიერ მისი დაკითხვის ფაქტს უარყოფს.

ამ საკითხზე უკვე დაკითხეს გურჯაანის მუნიციპალიტეტის გამგეობის სოციალური განვითარების სამსახურის უფროსი დავით მაჭარაშვილიც. იგი ადასტურებს, რომ დევნილების თანხების მითვისების ფაქტზე ნამდვილად დაკითხეს.

დევნილების დასახმარებლად განკუთვნილი თანხების არამიზნობრივად გახარჯვისა და მითვისების ფაქტზე გამოძიების დაწყებას არ ადასტურებენ კახეთის სამხარეო ადმინისტრაციაში. "ვერ გეტყვით ვინ დაიწყო გამოძიება დევნილების თანხების მითვისების ფაქტზე. ამის თაობაზე არაფერი ვიცი", - აღნიშნავს კახეთის გუბერნატორი გიორგი ღვინიაშვილი.

ამ საკითხზე კომენტარისათვის შევეცადეთ დავკავშირებოდით შს სამინისტროს ადმინისტრაციის უფროსს შოთა ხიზანიშვილს. არაერთი მცდელობის მიუხედავად ხიზანიშვილმა ჩვენი სატელეფონო ზარები უპასუხოდ დატოვა, თუმცა როგორც მან რამდენიმე დღის წინ განაცხადა, "ამ თანხების არამიზნობრივი ხარჯვა სისხლის სამართლის დანაშაულია და სამინისტრო მზად არის ფაქტობრივი მასალის მიღების შემთხვევაში სასწრაფო რეაგირება მოახდინოს".

არაოფიციალური ინფორმაციით, შესაძლოა, ამ დღეებში დიდი ოდენობით თანხების გაფლანგვის ფაქტზე რამდენიმე თანამდებობის პირი დააკავონ, მათ შორის კახეთის რამდენიმე რაიონის გამგებელი და გამგეობის თანამშრომლები.

წერილი გამოსაქვეყნებლად მზად იყო, როცა ცნობილი გახდა, რომ ჯერჯერობით დაუდგენელმა პირებმა გურჯაანში ნაყინის საწარმოს სალარო გაქურდეს. ოფიციალური ინფორმაციით, ქურდებმა სალაროდან 6 ათასი ლარი წაიღეს.

მომხდართან დაკავშირებით აღძრულია სისხლის სამართლის საქმე სსკ-ის 177-ე მუხლის მე-3 ნაწილით (ქურდობა წინასწარი შეთანხმებით ჯგუფის მიერ, საცავში უკანონო შეღწევით). გამოძიებას შს გურჯაანის რაიონული სამმართველო აწარმოებს. პოლიციას ეჭვმიტანილები ამ დრომდე არ ჰყავს.

გავრცელებული ინფორმაციით, გურჯაანის ნაყინის საწარმოში ქურდობის ფაქტი დევნილების თანხების მითვისებაზე აღძრულ სისხლის სამართლის საქმეს უკავშირდება. დაზუსტებული ცნობით, დევნილების დასახმარებლად თანხები ნაყინის საწარმოს სალაროში ინახებოდა.

აღსანიშნავია, რომ გურჯაანის ნაყინის საწარმოს 24 საათის განმავლობაში დაცვის პოლიცია იცავს.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC