13:44, Friday, 03.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გორის ადმინისტრაციაში განცხადების ჩაბარებაც პრობლემა ხდება

28.11.2008
საბა წიწიკაშვილი,გორი

27 ნოემბერს გორის ადმინისტრაციულ შენობაში ,,ადამიანის უფლებათა ცენტრს“   განცხადების დატოვების საშუალება არ მისცეს. ცენტრი საჩივრითა და შესაბამისი მტკიცებულებებით სახალხო დამცველს მიმართავს.

ომის შედეგად დაზარალებულები აპროტესტებენ იმ ფაქტს, რომ ჰუმანიტარული დახმარების დარიგებისას მოსახლეობის დიფერენცირება ხდება. გუბერნატორის მოადგილის ზურაბ ჩინჩილაკაშვილის განცხადებით, მას ვისაც მაღაზია, მანქანა, ტრაქტორი, ბევრი მიწა და რაღაც შემოსავალი აქვს, დახმარება აღარ მიეცემა.

გორის ადმინისტრაციული შენობის წინ ყოველდღიურად უამრავი ხალხია. სოფლებიდან ჩამოსული მოსახლეობა გუბერნატორს საათობით საშვთა ბიუროსთან ელოდება. ვინც საშვთა ბიუროსთან ვერ ეტევა, გარეთ, სიცივეში იცდის. 

გუბერნატორის განცხადებასთან  დაკავშირებით, ,,ადამიანის უფლებათა ცენტრის” შიდა ქართლის ოფისი შეეცადა, ადგილობრივი ხელისუფლებისთვის წერილობითი ფორმით მიემართა. დაცვამ ,,ადამიანის უფლებათა ცენტრის“ წარმომადგენელს შენობაში შესვლისას, საშვი მოსთხოვა. დაცვის წარმომადგენლებს სამოქალაქო ფორმაში ჩაცმული პირიც ეხმარებოდა. ჟურნალისტის თხოვნაზე, დაესახელებინა საკუთარი ვინაობა, მას არაადეკვატური პასუხი ჰქონდა. ,,თუ ჩემი ვინაობა გაინტერესებთ, ახლავე გაგაგებინებთ”, - თქვა და კამერას ხელი აუკრა.

აღსანიშნავია, რომ კანცელარია გორის ადმინისტრაციულ შენობაში მეორე სართულზეა, მაშინ როცა, ის პირველს სართულზე, პირდაპირ შესასვლელში უნდა იყოს განთავსებული, რათა ნებისმიერმა მსურველმა, განცხადება უპრობლემოდ, ყოველგვარი საშვის გარეშე დატოვოს.

იგივე პრობლემა აქვთ ჟურნალისტებს საკრებულოს სხდომებთან დაკავშირებითაც. საკრებულოს სხდომები საჯაროა და მასზე დასწრება - თავისუფალი. მაგრამ, მიუხედავად ამისა, სხდომათა დარბაზში შესვლამდე ჟურნალისტს მაინც საშვის აღება უწევს, რაც სხდომის გასაშუქებლად ბარიერს ქმნის.

,,ადამიანის უფლებათა ცენტრს” ხელთ აქვს ინციდენტის ამსახველი ვიდეო-მასალა. ცენტრი აპირებს, ეს მასალა ყველა შესაბამის ოგანიზაციას გაუგზავნის, როგორც მტკიცებულება იმისა, რომ ჟუნალისტს ადგილობრივი ხელისუფლება პროფესიული მოვალეობის შესრულებაში ხელს უშლის.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

აპოკალიფსი არ იქნება
  ჩვენი ქვეყნის სახელმწიფოებრიობის მრავალსაუკუნოვანი ისტორიის მიუხედავად, სწორედ ახლა არის დრო, როცა საქართველოში პასუხისმგებლიანი სამოქალაქო საზოგადოების ჩამოყალიბება შეგვიძლია, რამაც მნიშვნელოვნად უნდა
ვრცლად...
საგანგებო მდგომარეობის გავლენა საპარლამენტო არჩევნებზე
შშმ მსჯავრდებულთა უფლებები პენიტენციურ დაწესებულებაში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC