01:01, Sunday, 20.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სამცხე–ჯავახეთის ხუთი ძირითადი პრობლემა

23.12.2008
 კონფერენციაზე ორი ასპექტი გამოიკვეთა:
 მოსახლეობის მძიმე სოციალური
მდგომარეობა და განათლების დეფიციტი
გულო კოხოძე, ახალქალაქი

ახალქალაქში გაიმართა რეგიონული კონფერენცია, რომლის სახელწოდება იყო:  "მოთმინება, ტოლერანტობა და სამოქალაქო ინტეგრაცია". სამოქალაქო საზოგადოების წარმომადგენლებმა  ერთობლივი რეზოლუცია მიიღეს.

"შევიკრიბეთ, რათა რეგიონში არსებული პრობლემების შესახებ ღიად და გულახდილად გვესაუბრა", - განაცხადა ჯავახეთის სამოქალაქო ფორუმის თანათავმჯდომარემ მიხეილ კოლიკიდიმ.

კონფერენციას ნინოწმინდისა და ახალქალაქის თვითმმართველობისა და ადგილობრივი არასამთავრობო ორგანიზაციების წარმომადგენლები, სკოლების პედაგოგები და ჟურნლისტები ესწრებოდნენ.

შეხვედრაზე საუბარი იყო იმ პრობლემებზე, რომლებიც ჯავახეთის მოსახლეობას განსაკუთრებით აწუხებს. გამოიკვეთა ძირითადი ასპექტები -  მოსახლეობის მძიმე სოციალური მდგომარეობა და განათლების დეფიციტი.

კონფერენციის მონაწილეებმა და ორგანიზატორებმა შეადგინეს რეზოლუცია, რომელსაც შესაბამის უწყებაში წარადგენენ. რეზოლუციაში შესულია ხუთი ძირითადი პრობლემა, რომლებსაც, შეკრებილთა აზრით, ცენტრალურმა ხელისუფლებამ განსაკუთრებული ყურადღება უნდა მიაქციოს.

1. ნაკლები ყურადღება ექცევა სახელმწიფო ენის შესწავლას;

2. უმრავლესობა-უმცირესობის დიალოგი, ამ ეტაპზე, საქმის რეალურ ვითარებას ვერ ასახავს. ამის გათვალისწინებით, სასურველი იქნებოდა, მიღებულ გადაწყვეტილებებს ცენტრში ეროვნული უმცირესობების წარმომადგენელთა აქტიური მონაწილეობით განიხილავდნენ;

3. ენის არცოდნა ხშირად ხდება სამუშაოს არქონის მიზეზი, რაც, შესაბამისად, ოჯახების მატერიალური მდგომარეობის გაუარესებას იწვევს. ოჯახის რჩენისა და  კეთილდღეობის მისაღწევად მოსახლეობა მიდის ემიგრაციაში;

4. სახელმწიფო ენის მასობრივ შესწავლასთან ერთად, ექსტრემალური ღონისძიებების გატარება ესაჭიროება სომხური ენის დაცვის საკითხს;

5. აუცილებელია მრგვალი მაგიდის შექმნა, რომელზეც განიხილებოდა შემდეგი საკითხები: საჯარო სკოლებისათვის მასწავლებელთა მომზადება, ასევე ჯავახეთში არსებულ რომელიმე უმაღლეს სასწავლებელში სახელმწიფო ქართულ-სომხური ფაკულტეტის შექმნა.

მოსახლეობის არასაკმარისი ინტეგრაციის გამო ახალქალაქისა და ნინოწმინდის მუნიციპალიტეტებიდან ხალხის მიგრაციამ მასობრივი სახე მიიღო. "თუ კარგად დავაკვირდებით, აღმოვაჩენთ, რომ მოსახლეობის უმრავლესობა ხანდაზმულები არიან. ეს სახელმწიფო ენის არცოდნის ბრალია, - სამუშაო ადგილები ცოტაა, მოსახლეობა ინტეგრირებული არ არის და ამიტომ ფულის საშოვნელად სხვაგან მიდიან", - ამბობს მიხეილ კოლიკიდი.

კონფერენციაზე მიღებული რეზოლუციის სამთავრობო სტრუქტურაში წარდგენის შემდეგ კონფერენციის მონაწილეებს იმედი აქვთ, რომ ხელისუფლება წამოჭრილ საკითხებს  ყურადღებას მიაქცევს და გადაწყვეტილებების მიღებასაც არ დააყოვნებენ.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC